44:84  tum  patrem:  nempe  Pheadiah:*)  sed  scimus  hoc  fuisse  frequentissimum  in  populo  illo,  ut  unus  idem  esset  binomius.  Ego  igitur  simpliciter  existimo  Zerubbabel  filium  fuisse  Sealtiel.  Vocatur  dux  Iehudah,  quia  oportuit  manere  in  illa  tribu  aliquod  imperium,  quamvis  ablatum  esset  regium  nomen,  et  exstincta  etiam  omnis  maiestas  et  potentia:  tamen  voluit  Deus  manere  aliquod  vestigium  regni,  sicuti  praedictum  fuerat  a  patriarcha  Iacob,  Non  tolletur  sceptrum  e  Iehudah,  nec  dux  ex  femore  eius,  donec  veniat,  ete.  Regium  quidem  sceptrum  ablatum  fuit,  diadema  etiam  eversum,  ut  dicit  Ezechiel  (21,  31),  Tollite  cidarim,  subvertite,  subvertite,  subvertite  ipsam,  inquit:  quia  illi  regni  interruptio  satis  diuturna  fuit.  Sed  interim  Dominus  servavit  aliquas  reliquias,  unde  agnoscerent  Iudaei  non  prorsus  abolitam  fuisse  memoriam  illius  promissionis.  Haec  igitur  ratio  est  cur  vocetur  Sealtiel  praefectus  Iehudah.  Nunc  sequitur:  2.  Sic  dicit  Iehovah  exercituum  dicendo,  Populus  iste  dicunt  (hoc  est  dicit)  non  venit  tempus  domui  Iehovae  ad  aedificandum,  3.  Et  datus  fuit  sermo  Iehovae  in  manu  Chaggai  prophetae  dicendo,  4.  An  tempus  vobis,  ut  habitetis  vos  in  domibus  vestris  tabulatis,  et  domus  haec  deserta?  Qui  putant  septuaginta  annos  non  fuisse  transactos,  nisi  regnante  Dario,  possunt  etiam  hinc  facile  refutari:  quia  si  nondum  impleti  fuissent  anni  septuaginta,  in  promptu  erat  excusatio  Iudaeis,  quod  distulerant  templi  aedificationem.  Sed  certum  est  tempus  tunc  fuisse  elapsum,  et  solo  ipsorum  torpore  factum  esse,  ne  templum  exsurgeret:  quia  quidquid  erat  materiae,  quisque  rapiebat  in  privatum  suum  usum.  Dum  ergo  ita  sibi  addicti  erant  et  commodis  suis  peculiaribus,  neglecta  fuit  templi  aedificatio.  Quod  a  reditu  usque  ad  imperium  Darii  non  fuerat  templum  aedificatum,  diximus  hoc  aliunde  contigisse:  quia  scilicet  praefecti  Cyri  regis  multum  molestiae  Iudaeis  exhibuerant.  Cambyses  autem  fuit  illis  infestissimus.  Sed  quum  iam  recuperata  esset  ab  ipsis  libertas,  et  Darius  tam  humaniter  illis  permitteret  templum  exstruere,  nullus  fuit  cunctandi  praetextus.  Et  tamen  probabile  est,  tunc  quoque  fuisse  agitatos  sermones  de  tempore.  Nam  fieri  potest,  ut  qui  captabant  aliquid  coloris  ad  tegendam  suam  ignaviam,  obiicerent  difficultates  multas  fuisse  interpositas,  quia  nimis  festinaverat:  et  ita  fuisse  poenam  celeritatis,  quod  temere  aggressi  fuerant  structuram  templi:  ut  solent  homines  ingeniosi  semper  esse  in  suis  delictis  tegendis.  Sed  possumus  etiam  aliter  accipere,  quod  dicebant  nondum  venisse  tempus.  Nam  etiam  facilis  erat  haec  *)  Princeps  habet  Seadiah.