39:84  que  se  contineat  et  cohibeat  Interea,  quemadmodum  dixi,  naturale  est  deflere  mortuos:  sed  certe  eiulatio  de  qua  hic  loquitur  propheta,  non  potest  probari.  Quorsum  enim  attinet  clamare  Heus  domine,  periit  rex  noster,  et  quae  erant  eiusmodi?  Interea  notandum  est,  populos  orientales  semper  hac  in  parte  fuisse  nimios,  quemadmodum  hodie  adhuc  cernimus,  quo  quaeque  natio  magis  accedit  ad  calorem,  illic  plus  esse  gestuum  et  caeremoniarum.  In  his  frigidis  regionibus  insulsae  essent  et  ineptae  gesticulationes,  ita  vociferari,  Heus  domine,  heus  pater:  sed  ubi  lacerant  capillos,  et  etiam  se  conscindunt,  neque  tantum  unguibus  discerpunt  genas  suas,  sed  cultellis:  ubi  igitur  haec  faciunt,  etiam  edunt  istos  eiulatus,  de  quibus  nunc  agit  propheta.  6.  Et  loquutus  est  Ieremias  propheta  ad  Zedechiam  regem  Iehudah  omnes  sermones  istos  in  Ierusalem.  7.  Et  exercitus  regis  babylonii  pugnabant  (hoc  est,  oppugnabat)  Ierusalem  et  omnes  urbes  Iehudah,  quae  residuae  erant,  nempe  Lachis,  et  AzekaJi,  quoniam  ipsae  restabant  in  urbibus  Ierusalem  urbes  munitionis  (id  est  munitae).  Hic  tantum  recitat  Ieremias  se  perfunctum  esse  legatione  sibi  commissa,  et  hic  perspicitur  prophetae  magnanimitas:  quia  ut  heri  visum  est,  odiosus  erat  nuntius,  et  poterat  creare  periculum  ipsi  Ieremiae:  tamen  officium  peregit,  quia  sciebat  Deum  non  passurum,  ut  rex  quidquam  in  eum  tentaret,  nisi  ita  esset  utile.  Non  dubium  igitur  est  quin  vitam  suam  deposuerit  in  manum  Dei,  et  se  obtulerit  quasi  in  sacrificium,  ubi  ausus  est  ultro  regi  minari,  quod  fieri  non  potuit  quin  graviter  offenderet  eius  animum.  Ira  autem  regis,  ut  dicit  Solomo  (Prov.  16,14),  nuntius  est  mortis.  Ergo  hic  laudatur  constantia  prophetae,  quod  non  exhorruit  periculum,  ubi  videbat  necessitatem  hanc  sibi  esse  impositam  a  Deo.  Iterum  repetit  Ierusalem  tunc  fuisse  obsessam  ab  exercitu  regis  babylonii  et  reliquas  omnes  urbes  Iehudah,  quas  hic  nominat,  nempe  Lacbis,  et  Azekah.  Itaque  videtur  oblique  perstringere  arrogantiam  Zedechiae,  quod  adhuc  retinuerit  altos  spiritus  quum  tamen  redactus  esset  in  tales  angustias:  omnes  urbes  Iudaeae  quot  erant?  duae,  inquit  propheta.  Hoc  igitur  non  male  conveniet  oblique  rideri  regis  confidentiam,  qui  adhuc  existimet  se  fore  victorem  hostis,  quum  tamen  dominus  esset  trium  urbium  duntaxat,  nempe  Ierosolymae,  Lachis,  et  Azekah.  Reddit  autem  propheta  causam  cur  urbes  illae  non  statim  venerint  in  ditionem  regis  babylonii,  quia  scilicet  erant  urbes  munitae.  Unde  sequitur  alias  urbes  fuisse  nullo  negotio  captas,  vel  subiisse  voluntariam  deditionem.  Imperio  igitur  suo  iam  spoliatus  erat  rex  Zedechias:  tamen  non  deposuit  animi