35:84  est  de  nous  faire  sentir  sa  bonte:  mais  cependant  puis  qu'il  voit  que  nous  n'en  sommes  point  capables,  c'est  raison  qu'il  change,  et  qu'il  se  transfigure  par  maniere  de  dire,  afin  de  se  conformer  a  ce  qu'il  voit  nons  estre  propre.  Et  voila  pourquoy  il  est  dit,  II  chastie  Vhomme  de  tormens  sur  son  lict.  Quand  Eliu  parle  ainsi,  c'est  pour  monstrer  que  si  Dieu  nous  persecute  a  bon  escient,  il  n'y  aura  nulle  relasche,  il  n'y  aura  nulle  trefve  qui  soit.  Car  il  entend  que  quand  nous  cercherons  repos  nous  ne  le  trouverons  pas  si  Dieu  nous  est  ennemi,  c'est  a  dire  si  nous  apprehendons  son  ire.  Car  quand  l'Escriture  dit,  que  Dieu  nous  est  ennemi,  et  qu'il  est  corrouce  contre  nous,  elle  n'entend  pas  qu'il  le  soit  a  la  verite:  mais  il  se  monstre  tel,  a  cause  qu'il  est  besoin  que  nous  soyons  estonnez,  pour  nous  faire  desplaire  en  nos  pechez.  Ainsi  donc  notons  bien,  que  quand  un  homme  sera  ainsi  tormente,  ii  faut  qu'il  ait  la  guerre  sans  fin,  et  s'il  pense  avoir  quelque  allegement  il  ne  le  trouvera  pas.  Et  pourquoy?  Car  la  main  de  Dieu  est  trop  longue:  nous  n'en  pourrons  point  eschapper,  iusques  a  ce  que  nous  soyons  reconciliez  avec  luy.  Voila  ce  qui  doit  estre  entendu  en  ce  passage.  Or  si  Dieu  nous  donne  quelque  relasche,  cognoissons  qu'il  supporte  d'autant  nostre  infirmite.  Et  mesmes  ceci  nous  doit  bien  servir  d'une  consolation  singuliere:  car  combien  que  Dieu  nous  examine  rudement  et  que  nous  soyons  au  bord  du  sepulchre:  si  est-ce  qu'il  nous  donne  encores  quelque  goust  de  sa  bonte  parmi,  et  que  nous  respirons.  Il  est  ici  dit,  qu'il  n'a  point  fait  ceste  grace  a  tous,  mais  qu'il  en  a  persecute  d'aucuns  en  sorte  qu'ils  n'ont  eu  nul  repos.  Et  que  veut  dire  cela?  Il  ne  parle  point  seulement  des  reprouvez,  mais  de  ceux  que  Dieu  avoit  choisis,  et  desquels  il  avoit  procure  et  avance  le  salut  par  ce  moyenla.  Ainsi  donc  cognoissons  que  Dieu  a  regard  a  nostre  foiblesse,  quand  il  ne  permet  point  que  nous  soyons  trop  durement  affligez,  mais  qu'il  nous  donne  seulement  quelques  petis  coups,  pource  qu'il  voit  que  nous  sommes  par  trop  debiles.  Au  reste  quand  il  dit,  Que  Vhomme  reiette  la  viande,  voire  qu'il  ne  prend  point  goust  a  la  viande  appetissante,  et  qu'il  voudroit  estre  sorti  de  ce  monde:  c'est  pour  nous  monstrer  que  quand  nous  sommes  touchez  du  sentiment  de  l'ire  de  Dieu,  et  que  nous  l'apprehendons  au  vif,  nous  ne  pouvons  prendre  goust  a  rien  qui  soit.  Qu'est-ce  donc  qui  nous  donne  saveur  a  tous  les  benefices  que  nous  recevons  en  ce  monde  de  la  main  de  Dieu?  C'est  sa  grace.  Il  est  vray  que  les  gens  prophanes,  comme  tous  contempteurs  de  Dieu,  ceux  qui  sont  confits  en  leurs  pechez,  et  qui  y  sont  abbrutis  du  tout,  et  qui  n'ont  plus  de  doleance,  ceux-la  prendront  assez  goust  a  toutes  leurs  delices,  voire  leurs  delices