31:84  corde.  12.  Deus  iudicans  iustum,  et  contemptorem  Dei  quotidie.  10.  (Cesset  quaeso)  Initio  precatur  ut  Deus  impiorum  malitiae  modum  et  finem  imponat,  unde  sequitur,  diuturnam  non  exigui  temporis  fuisse  crucem.  Aliis  potius  videtur  dira  esse  imprecatio,  qui  verbum  *1U3  transitive  accipiunt  pro  perdere  vel  consumere.  Ita  secundum  eos  optat  David,  ut  malum  quod  concipiunt  impii,  Deus  in  ipsorum  capita  retorqueat.  Mihi  tamen  simplicius  illud  videtur,  ut  David  suis  molestiis  exitum  dari  postulet,  ideoque  votum  a  fine  mox  sequitur,  ut  Deus  iustum  vel  dirigat,  vel  stabiliat.  Nam  utrovis  modo  legas,  parum  interest.  Sensus  enim  est,  ut  Deus  iustos  iniuste  oppressos  restituat  et  fulciat:  ut  constet  eos  divinitus  in  suo  statu  manere.  (Quia  probans  corda)  Copula  hoc  loco  non  inepte  in  causalem  particulam  resolvitur.  Neque  enim  dubium  est  quin  addita  ratione  precationem  suam  confirmet  David.  Quanquam  autem  iam  tertio  ostendit  se  bonae  conscientiae  testimonio  fretum  audacter  accedere,  plus  tamen  exprimit  quam  antea,  quod  non  externis  tantum  operibus  integer  exstiterit,  sed  arcano  etiam  cordis  aspectu  puritatem  coluerit.  Ac  videtur  fiduciam  hanc,  hostium  suorum  insolentiae  opponere,  a  quibus  probabile  est  tales  calumniarum  nebulas  fuisse  in  vulgus  sparsas,  ut  miserum  hominem  cogerent  cor  et  renes  suos  Deo  in  examen  offerre.  Fieri  etiam  potest  ut  fucosos  illis  praetextus  excutiat,  quibus  satis  habebant,  homines  decipere.  Ostendit  enim,  licet  theatri  plausum  tulerint,  hoc  nullius  esse  momenti:  quia  mox  ad  Dei  tribunal  venturi  sint,  ubi  non  de  titulis,  vel  externo  splendore  operum,  sed  de  cordis  integritate  erit  cognitio.  ^  11.  (Clypeus  meus)  Non  miru��  est  quod  subinde  precibus  meditationes  permiscet  David,  quibus  se  ad  fiduciam  animet.  Quantumvis  enim  alacriter  ad  Deum  feramur,  statim  labascit,  vel  ad  languorem  inclinat  ardor  noster,  nisi  vires  novas  colligat.  Ergo  ut  eodem  tenore  preces  suas  continuet  David,  sententias  sibi  ex  communi  pietatis  doctrina  suggerens,  fidem  suam  fovet  atque  etiam  excitat.  Dicit  autem,  quia  Deus  rectos  corde  servat,  se  eius  praesidio  satis  munitum  esse.  Unde  sequitur,  recte  sibi  fuisse  conscium.  Quum  autem  non  iustos  simpliciter,  sed  rectos  corde  dicit,  videtur  ad  interius  illud  cordis  et  renum  examen  respicere.  12.  (Deus  iudicans)  Alii  legunt,  Deus  iudex  iustus  et  Deus  irascitur  quotidie.  Quanquam  autem  hunc  quoque  sensum  verba  admittunt,  quia  tamen  in  priore  plenior  est  doctrina,  libenter  eum  sequutus  sum:  sicuti  et  doctissimis  quibusque  magis  probari  video:  adde  quod  ad  praesentem  causam  melius  quadrat.  Quia  enim  hoc  suis  maledictis  adepti