27:84  et  advoue  pour  siens  au  nom  de  nostre  Seigneur  Iesus  Christ.  LE  DEUXIESME  SERMON  SUR  LE  CHAP.  XL  V.  5-8.  DU  LUNDI  23E  DE  SEPTEMBEE  1555.  Nous  avons  veu  par  ci  devant  la  remonstrance  que  faisoit  Moyse,  c'est  assavoir  que  ceux  qui  estoyent  tesmoins  des  miracles  de  Dieu,  avoyent  beaucoup  moins  d'excuse,  que  s'ils  eussent  ouy  reciter  les  choses  qu'ils  avoyent  veues  aux  yeux.  Car  quand  Dieu  nous  a  fait  la  grace  de  nous  monstrer  sa  vertu  a  veue  d'oeil,  il  faut  bien  que  nous  soyons  trop  stupides,  si  nous  n'avons  memoire  de  cela.  Quand  nos  enfans  en  orront  parler,  ils  doyvent  estre  esmeus:*  que  sera-ce  donc  de  la  chose  presente?  Or  par  ci  devant  Moyse  a  declairo  comme  Dieu  avoit  traitte  le  peuple  en  sa  bonte:  car  il  s'estoit  declaire  ennemi  formel  du  royaume  d'Egypte  pour  estre  sauveur  de  la  lignee  d'Abraham.  C'est  une  grace  qui  doit  bien  estre  prisee,  quand  Dieu  nous  choisit  ainsi  pour  ��es  eleus,  non  pas  pour  aucun  merite  qu'il  trouve  en  nous:  mais  par  sa  pure  bonte:  qu'il  luy  plaist  de  nous  preferer  aux  autres,  encores  que  nous  ne  vallions  pas  mieux,  et  qu'il  se  met  de  nostre  coste,  et  qu'il  bataille  pour  nous  au  besoin  :  s'il  y  a  gens  qui  nous  affligent,  et  tourmentent,  que  Dieu  est  tousiours  prest  pour  nous  secourir:  ne  voila  point  une  obligation  telle,  que  si  nous  ne  le  servons  entierement,  le  monde  doit  condamner  nostre  malice,  et  nostre  perversite?  Or  apres  qu'il  a  parle  des  miracles  faits  en  Egypte,  qu'il  a  parle  du  passage  de  la  mer  rouge:  il  dit  en  somme:  Qu'ils  doyvent  Men  savoir  comme  Dieu  ies  a  traittez  au  desert:  et  sous  ce  mot  il  comprend  ce  que  desia  nous  avons  veu,  et  expose,  c'est  assavoir  tant  des  benefices  qu'ils  avoyent  receus  de  la  main  de  Dieu,  que  des  chastimens  aussi  :  car  tous  les  deux  nous  doyvent  enseigner  de  craindre  Dieu,  et  de  cheminer  en  son  obeissance.  S'il  nous  fait  du  bien,  il  nous  attire  a,  soy  par  douceur,  afin  que  nous  l'invoquions  :  s'il  nous  corrige  de  nos  fautes,  c'est  afin  de  nous  dompter,  et  que  nous  apprenions  a��  porter  son  ioug,  et  a  le  servir  comme  il  appartient.  Moyse  donc  comprend  ici  tous  les  deux:  comme  s'il  disoit:  Quand  Dieu  vous  a  nourris  de  Manne  sans  que  vous  ayez  travaille,  ne  devez-  vous  pas  vous  employer  du  tout  a  son  service?  Si  un  homme  mortel  vous  avoit  tenu  en  sa  maison,  qu'il  vous  eust  nourris,  et  vestus,  ne  seroit-ce  pas  pour  vous  obliger  a  luy,  tellement  que  vostre  vie  devroit  respondre  d'un  tel  bien?  Or  voici  Dieu