26:84  beste  brute,  voire  iusques  aux  serpens,  et  les  fruicts  de  la  terre:  c'estoit  une  chose  si  brutale  que  rien  plus:  combien  que  ce  peuple  la  s'estimast  aigu  et  subtil  sur  tous  les  autres,  si  est-ce  qu'il  s'estoit  abbruti  en  telle  sorte,  qu'il  s'estoit  abandonne  a��  toutes  abominations  du  monde.  Bref,  quand  il  y  avoit  ou  paix,  ou  sante,  ou  abondance  de  biens:  tous  disoyent  bien,  Dieu,  Dieu:  ce  mot  de  Dieu  trottoit  par  tout:  mais  chacun  cependant  avoit  son  dieu.  Voila  Baal-peor,  duquel  il  sera  parle  ci  apres,  qui  estoit  adore  des  Ammonites.  Voila  les  idolatries  qui  regnoyent  par  tout  :  chacun  donc  avoit  ses  patrons,  et  ses  dieux  a  part.  Or  maintenant  Moyse  a  ceste  consideration,  dit:  II  est  vray,  que  les  hommes  abusent  de  tes  benefices,  Seigneur,  et  quand  tu  leur  fais  du  bien,  comme  tout  procede  de  ta  main,  ils  le  mescognoissent,  et  depravent,  et  falsifient  tout.  Car  il  leur  semble  qu'ils  recoyvent  cela  de  leurs  dieux,  c'est  a  dire,  de  leurs  idoles  qui  ne  sont  que  mensonges  et  resveries.  Voila  donc  comme  les  hommes  sont  abusez.  Mais,  Seigneur,  dit  Moyse,  quoy  qu'il  en  soit,  tu  as  desploye  une  telle  vertu  envers  nous,  qu'il  faut  que  la  bouche  soit  close  a  tous  les  Payens:  qu'ils  ne  pourront  pas  dire:  Voila  des  dieux  qui  ont  fait  de  tels  miracles  que  le  Dieu  d'Israel.  Quand  on  fera  comparaison  entre  ceste  redemption  que  tu  as  faite  de  ton  peuple,  et  entre  tous  les  biens  que  tu  eslargia  communement  aux  hommes:  on  verra  que  tu  es  le  Dieu  souverain,  et  que  tu  as  desploye  ton  bras  fort:  tellement  qu'il  faut  que  tout  le  reste  soit  mis  bas.  Voila  quelle  est  l'intention  de  Moyse.  Et  l'Escriture  parle  ainsi  souventesfois,  comme  accordant  aux  hommes  leur  erreur.  Comme  si  nous  disions:  Le  cas  pose,  non  pas  qu'ainsi  soit:  mais  c'est  pour  venir  par  degrez  a  ce  qui  doit  estre  amene.  Comme  pour  exemple:  Nous  avons  affaire  a��  quelque  Papiste,  pour  l'enseigner  selon  sa  rudesse,  nous  dirons  :  Or  ca,  quand  nous  devons  prier  Dieu,  d'un  coste  les  uns  auront  Iesus  Christ  pour  leur  advocat,  les  autres  auront  la  vierge  Marie,  ils  auront  les  saincts  et  les  sainctes:  or  regardons,  lequel  est  le  meilleur?  Car  quand  un  homme  vient  a  Dieu,  et  qu'il  met  Iesus  Christ  au  devant,  il  est  asseure  par  l'Escriture  saincte,  que  c'est  son  office  d'estre  moyenneur  pour  interceder  envers  Dieu.  Voila  donc  celuy  qui  prie  au  nom  de  Iesus  Christ,  qui  est  tout  asseure,  qu'il  n'y  va  point  a  la  voilee.  Celuy  qui  prend  la  vierge  Marie,  ou  qui  aura  quelque  patron  selon  qu'il  pensera  d'estre  exauce,  il  s'abuse  :  car  il  n'a  point  de  tesmoignage.  Et  ainsi  donc,  lequel  vaut  mieux  ?  Nous  parlons  ainsi  aux  Papistes  :  non  pas  que  nous  yueillions  dire  qu'il  soit  licite  d'avoir  des  patrons  :  car  nous  abuserions  du  nom  de  Dieu.  Il  est  dit,  qu'en  nos  Oraisons  nous  ne  devons  rien  introduire  de  nostre  teste,  il  faut  que