46:839  839  SERMONS  840  est-ce  aller?  On  pourroit  donc  faire  beaucoup  d'argumens:  mais  la  solution  est  facile,  que  Moyse  ayant  un  zele  si  ardent  du  salut  du  peuple,  voyant  aussi  la  menace  si  horrible  que  Dieu  avoit  prononcee  de  sa  bouche,  s'oublie  pour  un  peu  de  temps  et  pour  une  minute,  et  ne  demande  sinon  a  secourir  son  peuple.  Voyla  donc  comment  nostre  Seigneur  Iesus  en  a  este.  Car  s'il  eust  fallu  souffrir  une  centaine  de  morts,  voire  un  million,  il  est  certain  qu'il  s'y  estoit  prepare  auparavant:  mais  si  a-il  voulu,  non  point  tant  pour  soy,  que  pour  nous,  soustenir  les  angoisses,  qui  le  plongent  iusques  la,  comme  nous  voyons.  Voyla  pour  un  item.  Or  pour  le  second:  Si  on  demande  comme  Iesus  Christ,  qui  est  du  tout  iuste,  et  qui  a  este  l'Agneau  sans  macule,  qui  a  este  mesmes  la  regle  et  le  miroir  de  toute  iustice,  sainctete  et  perfection,  ha  une  volonte  repugnante  a  celle  de  Dieu  :  La  response  a  cela  est,  que  Dieu  ha  en  soy  toute  perfection  de  droiture,  cependant  les  Anges,  combien  qu'ils  se  conforment  a  la  volonte  de  Dieu,  et  y  soyent  du  tout  obeissans,  si  est-ce  neantmoins  qu'ils  ont  une  volonte  separee.  Car  d'autant  qu'ils  sont  creatures,  ils  peuvent  avoir  des  affections  lesquelles  ne  competent  pas  a  Dieu.  Quant  a  nous,  qui  sommes  environnez  de  ceste  masse  de  peche,  nous  sommes  tellement  eslourdis,  que  nous  sommes  bien  eslongnez  de  la  volonte  de  Dieu:  car  en  tous  nos  appetis  il  y  a  quelque  exces,  il  y  a  mesmes  rebellion  manifeste  souventesfois.  Mais  si  nous  considerons  l'homme  en  son  integrite,  c'est  a  dire  sans  ceste  corruption  de  peche,  encores  il  est  certain  qu'il  aura  ses  affections  bien  eslongnees  de  Dieu,  et  toutesfois  pour  cela  elles  ne  seront  point  vicieuses.  Comme  quand  Adam  ne  se  fust  point  ainsi  perverti,  et  qu'il  eust  persiste  en  l'estat  en  condition  ou  il  avoit  este  cree,  si  est-ce  qu'il  eust  eu  et  chaut  et  froit,  qu'il  pouvoit  endurer  et  solicitudes  et  craintes,  et  choses  semblables.  Voyla  comme  en  a  este  nostre  Seigneur  Iesus  Christ.  Nous  scavons  qu'en  toutes  ses  affections,  il  n'a  eu  ni  tasche  ni  macule,  que  le  tout  n'ait  este  regle  a��  l'obeissance  de  Dieu:  mais  cependant  il  n'a  pas  laisse  (a  cause  qu'il  avoit  prins  nostre  nature)  d'estre  suiet  et  a  crainte  et  a  ceste  horreur  dont  il  est  maintenant  parle,  et  a  solicitudes,  et  a  choses  semblables.  Nous  ne  pouvons  pas  appercevoir  cela  en  nous:  comme  en  eau  trouble  on  ne  iuge  rien.  Voyla  donc  les  affections  humaines  qui  sont  pour  nous  faire  flotter  et  de  coste  et  d'autre,  pour  nous  donner  telles  esmotions  que  nous  avons  besoin  d'estre  retenus  de  Dieu:  mais  celles  qu'ont  les  hommes  estans  descendus  d'Adam  sont  comme  un  bourbier  ou  il  y  a  de  l'infection  meslee  tant  et  plus,  en  sorte  que  nous  ne  pouvons  pas  contempler  quelle  a  este  ceste  passion  de  nostre  Seigneur  Iesus  Christ,