46:838  Mais  notons  aussi  la  forme  de  prier  dont  il  use:  Mon  Pere  s'il  est  possible  .que  ce  calice  soit  destourne  de  moy,  ou  ce  breuvage:  car  c'est  une  similitude  quand  il  parle  de  hanap,  ou  d��  verre,  ou  de  coupe,  d'autant  que  l'Escriture  nomme  les  afflictions  des  breuvages  amers,  afin  que  nous  scachions  que  rien  n'advient  par  cas  fortuit  :  mais  que  Dieu  comme  un  pere  de  famille,  distribue  a  un  chacun  de  ses  enfans  sa  portion,  ou  un  maistre  a  ses  serviteurs,  ainsi  Dieu  monstre  que  c'est  de  luy  et  de  sa  main  qu'ils  sont  batus  et  affligez:  et  aussi  quand  nous  avons  du  bien,  cela  procede  de  sa  bonte  gratuite,  et  il  nous  en  donne  autant  que  bon  luy  semble.  Or  selon  ceste  facon  ordinaire,  nostre  Seigneur  Iesus  dit  que  la  mort  luy  est  un  breuvage  si  amer,  qu'il  voudroit  bien  qu'il  fust  destourne  de  luy,  voire  si  possible  estoit.  Vray  est  qu'on  pourroit  esmouvoir  yci  beaucoup  de  questions,  car  ,il  sembleroit  de  prime  face  que  Iesus  Christ  ait  oublie  nostre  salut,  ou  bien  qu'en  fuyant  la  luyte  il  nous  ait  voulu  laisser  en  perdition  pour  la  frayeur  qu'il  a  conceue.  Or  cela  ne  conviendroit  point  a  ce  que  nous  avons  dit:  et  mesmes  l'amour  qu'il  nous  a  monstree  seroit  obscurcie  de  beaucoup:  mais  nous  n'avons  que  faire  d'entrer  en  des  disputes  tant  subtiles,  pour  ce  que  nous  scavons  qu'une  passion  ravit  souventesfois  l'esprit  d'un  homme,  en  telle  sorte  qu'il  ne  pense  point  ni  a  ceci  ai  h  cela,  mais  estant  presse  du  mal  present,  il  se  iette  la  et  n'ha  point  quelque  autre  regard  pour  se  retenir.  Quand  donc  nous  sommes  ainsi  ravis,  ce  n'est  pas  a  dire  que  le  reste  soit  du  tout  efface  de  nos  coeurs,  et  que  nous  n'ayons  nulle  affection.  Comme  pour  exemple,  celui  qui  pensera  a  quelque  affliction  de  l'Eglise,  voire  a  une  affliction  particuliere,  il  priera  Dieu  comme  si  le  reste  du  monde  ne  luy  estoit  rien.  Or  est-ce  a  dire  pourtant,  qu'il  soit  devenu  inhumain,  et  qu'il  ne  luy  chaille  de  ses  freres,  qui  ont  besoin  qu'on  prie  aussi  bien  pour  eux?  Nenni,  mais  c'est  que  ceste  affection  le  pousse  d'une  telle  vehemence,  que  le  reste  est  la  comme  separe  pour  un  temps.  Moyse  prie  d'estre  efface  du  livre  de  vie:  si  nous  voulions  esplucher  tout  par  le  menu,  nous  dirions  que  Moyse  a  blaspheme  contre  Dieu  en  parlant  comme  s'il  estoit  variable.  Car  ceux  que  Dieu  a  eleus  a  la  vie  eternelle,  ne  peuvent  iamais  perir:  il  semble  donc  que  Moyse  bataille  yci  contre  Dieu,  et  qu'il  le  veuille  faire  semblable  a  nous,  qui  changeons  de  conseil  et  de  propos.  Et  puis  quel  honneur  fait  il  a  Dieu,  quand  il  scait  qu'il  est  du  nombre  de  ses  eleus,  et  qu'il  cognoist  que  Dieu  l'avoit  marque  des  son  enfance,  pour  le  commettre  a  une  charge  si  excellente  que  d'estre  conducteur  de  son  peuple,  et  cependant  il  demande  d'estre  comme  racle  et  extermine  de  Dieu?  et  ou  53*