46:837  837  DE  LA  PASSION.  838  qui  ne  peuvent  s'arrester  a  nostre  Seigneur  Iesus  Christ,  mais  imaginent  qu'il  leur  faut  avoir  des  patrons  et  advocats,  comme  s'il  y  avoit  plusieurs  Redempteurs.  Et  nous  voyons  mesmes  les  blasphemes  qui  regnent  en  ceste  maudite  Papaute,  que  les  merites  des  saincts  sont  pour  aider  a  la  mort  et  passion  de  nostre  Seigneur  Iesus  Christ,  afin  que  puissions  par  ce  moyen  estre  affranchis  et  aequi  tez  envers  Dieu.  Encores  qu'il  y  ait  eu  (disentils)  remission  generale  quant  a  la  coulpe  du  peche  originel,  et  aussi  des  pechez  actuels,  si  est-ce  qu'il  faut  que  tout  soit  mesle:  et  le  sang  de  Iesus  Christ  ne  suffit  pas,  sinon  que  les  martyrs  eussent  merite  d'avantage:  et  faut  que  nous  ayons  la  aussi  nostre  refuge,  afin  d'avoir  Dieu  propice.  Quand  le  diable  s'est  ainsi  desborde,  tant  plus  devons-nous  estre  advertis  de  nous  retenir  a  nostre  Seigneur  Iesus  Christ,  cognoissans  que  c'est  en  luy  seul  qu'il  nous  faut  chercher  toute  perfection  de  salut.  Et  voyla  pourquoy  notamment  il  est  dit  au  Prophete  Isaie,  que  Dieu  s'est  esmerveille  voyant  qu'il  n'y  avoit  nul  secours  d'autre  coste.  Or  il  est  vray  que  Dieu  scavoit  bien  qu'il  faloit  que  luy  seul  parfeist  nostre  salut:  mais  c'est  afin  que  nous  ayons  honte,  et  que  nous  ne  soyons  de  ceux  par  hypocrisie,  comme  si  nous  avions  rien  apporte  pour  aider  a  la  remission  de  nos  pechez,  et  pour  faire  que  Dieu  nous  receust  en  sa  grace  et  amour:  tellement  que  nous  n'allions  pas  courir  de  coste  et  d'autre,  pour  trouver  des  moyenneurs.  Afin  donc  que  tout  cela  soit  retranche,  ii  est  dit  que  Dieu  s'est  aide  de  son  bras,  et  qu'il  a  tout  parfait  par  sa  iustice,  et  n'a  point  trouve  de  compagnon.  Or  cela  nous  est  declare  comme  a  veue  d'oeil,  quand  il  est  dit  que  trois  des  disciples,  ceux  qui  estoyent  la  fleur  de  tous,  se  sont  la  endormis  comme  de  povres  bestes:  et  qu'il  n'y  a  eu.  sinon  stupidite  brutale  en  eux:  ce  qui  est  comme  un  monstre  contre  nature,  de  veoir  qu'ils  s'endorment  en  telle  extremite.  Afin  donc  que  nostre  fiance  soit  destournee  de  toutes  creatures  et  qu'elle  soit  du  tout  enclose  en  nostre  Seigneur  Iesus  Christ,  voyla  pourquoy  ii  est  dit  qu'il  s'est  avance  au  combat.  Au  reste,  en  ce  qu'il  s'adresse  a  Dieu  son  Pere,  il  nous  monstre  bien  le  remede  pour  nous  soulager  de  toutes  nos  angoisses,  pour  addoucir  nos  tristesses,  et  mesmes  pour  nous  remettre  au  dessus,  quand  nous  serions  comme  abysmez.  Car  si  nous  sommes  faschez  et  angoissez,  nous  scavons  que  Dieu  n'est  pas  nomme  en  vain  Pere  de  consolation.  Si  nous  en  sommes  donc  separez,  ou  est  ce  que  nous  trouverons  vertu  sinon  en  luy?  Nous  voyons  cependant  qu'il  ne  s'est  point  voulu  espargnez  au  besoin.  Voyla  donc  le  Fils  de  Dieu  qui  nous  conduit  par  son  exemple  au  vray  refuge  quand  nous  .sommes  en  tristesse  et  angoisse.