9:836  vel  Dei  gratiam,  quae  unicum  est  eius  miseriae  remedium,  ignoraret.  Sed  in  promptu  sunt  rationes  quae  ipsum  ad  id  impulerunt.  Videmus  quam  parum  consentanea  sit  civili  prudentiae  ac  philosophorum  placitis,  quae  de  caecitate  humani  ingenii,  cordis  perversitate,  animae  impotentia  totiusque  naturae  corruptione  scripturis  prodita  est  doctrina:  Erant  autem  tunc  philosophi,  qui  hoc  modis*)  captabant  in  nostra  religione,  quo  ab  ea  homines  alios  alienarent.  Eorum  cavillis  malitiosisque  artibus  occurrere,  officii  sui  esse  videbat  Chrysostomus  noster.  Quum  vero  nulla  occurrendi  melior  ratio  suppeteret,  ita  sententiam  suam  temperabat,  ne  nimium  abhorreret  a  communi  hominum  opinione.  Haec  ergo  prima  ratio  esse  videtur  cur  et  de  praedestinatione  obscurius  loquutus  sit,  et  tantum  concesserit  voluntatis  nostrae  arbitrio,  ut  scilicet  sophistarum  calumniis  ansam  praecideret,  qui  erant  in  hoc  ipsum  intenti  ut  in  odium  invidiamque  traherent,  quae  simpliciter  de  iis  rebus  secundum  Dei  verbum  dicerentur.  Non  fuit  quidem,  fateor,  illa  satis  idonea  causa  cur  a  scripturae  simplicitate  deflecteret.  Neque  enim  aequum  est,  ut  humano  iudicio  cedat  Dei  veritas,  cui  omnes  hominum  cogitationes  velut  captivae  debent  subiugari,  et  in  cuius  obedientiam  redigi  debent  mentes  omnes  cum  sua  intelligentia.  Sed  quum  certum  sit,  nihil  aliud  quaesisse  quam  ut  se  expediret  ab  inimicis  crucis  Christi,  haec  certe  tam  pia  affectio,  utcunque  successu  careat,  excusationem  tamen  aliquam  meretur.  Sed  altera  parte  magis  etiamnum  premebatur.  Erant  enim  multi  in  ecclesia  impurae  ac  licentiosae  vitae  homines,  qui  quum  arguerentur  a  pastoribus  suis^  habebant  statim  quod  ignaviae  suae  praetexerent:  sibi  nihil  posse  imputari  quod  ex  ingenio  carnis  suae  viverent,  quandoquidem  naturae  suae  vitiositate  ad  peccandum  adigerentur.  Quamdiu  gratia  Dei  non  adiuvarentur,  suae  virtutis  non  esse,  duram  istam  necessitatem  eluctari.  Porro  sic  tergiversando  culpam  scelerum,  quae  in  ipsis  residebat,  impie  indigneque  in  Deum  bonorum  omnium  autorem,  nullius  vero  mali  causam,  transferebant.  Erant  et  nonnulli  qui  de  fato  garriebant.  Cum  eiusmodi  pestibus  non  sine  optima  causa  hic  sanctus  vir  congrediebatur.  Sed  quum  expugnandi  ratio  non  optime  illi  constaret,  quo  desidiam  illis  suam  excuteret  omnemque  excusationem  tolleret,  negabat  sic  Dei  gratia  hominem  ad  bonum  praeparari,  ut  non  aliquid  ipse  quoque  suum  afferat.  Est  ista  quidem  loquendi  formula  parum  consentanea  stilo  spiritus  sancti.  Sed  hoc  est  quod  praecipio:  dixi2)  fidelem  Christi  servum,  quum  ad  optimum  finem  1)  Sic  in  MS.  Deesse  vocabulum  adiectivum  videtur.  Apographa  exhibent:  modo.  2)  Fortasse:  principio  dixi: