46:836  coste  nous  voyons  que  le  pris  de  nostre  redemption  a  este  bien  cher,  quand  nostre  Seigneur  IesuB  Christ  est  si  angoisse,  qu'il  soustient  les  frayeurs  de  la  mort:  voire  iusques  a  suer  les  gouttes  de  sang,  qu'il  est  la  comme  ravi,  demandant  s'il  est  possible  qu'il  puisse  eschapper  d'une  telle  destresse.  Quand  donc  nous  voyons  cela,  c'est  bien  pour  nous  faire  venir  a  la  cognoissance  de  nos  pechez.  Ii  n'est  pas  question  de  nous  endormir  yci  par  flatterie,  quand  nous  voyons  que  le  Fils  de  Dieu  est  plonge  en  telle  extremite,  qu'il  semble  qu'il  soit  au  profond  des  abysmes.  Si  cela  estoit  advenu  seulement  a  un  homme  iuste,  encores  devrions-nous  estre  touchez,  entant  qu'il  eust  fallu  qu'un  povre  innocent  eust  endure  pour  nostre  rancon  ce  qui  est  advenu  au  Fils  de  Dieu.  Mais  voyci  celuy  qui  est  la  fontaine  de  vie,  qui  s'assuietit  a  la  mort  :  celuy  qrci  soustient  tout  le  monde  par  sa  vertu,  qui  est  la  affoibli:  celuy  qui  retire  les  creatures  de  toute  crainte  qui  ha  a  soustenir  une  telle  horreur.  Quand  donc  cela  nous  est  declare  il  faut  bien  que  nous  soyons  plus  que  stupides  si  chacun  n'entre  en  soy,  et  estant  redargue  de  ses  fautes  et  iniquitez,  ne  soit  confus  devant  Dieu,  qu'il  ne  souspire  et  gemisse:  et  mesmes  que  nous  ne  soyons  par  ce  moyen  la  amenez  a  Dieu  avec  une  vraye  repentance.  Or  il  est  impossible  que  les  hommes  se  convertissent  droitement  a  Dieu,  sinon  qu'ils  soyent  condamnez  en  eux-mesmes,  et  qu'ils  ayent  conceu  et  frayeur  et  angoisse  de  la  malediction  qui  leur  est  apprestee  iusques  a  ce  qu'ils  soyent  r'entrez  en  grace  avec  Dieu.  Mais  encore  pour  mieux  comprendre  le  tout  il  est  dit  que  nostre  Seigneur  Iesus  prend  seulement  trois  de  ses  disciples,  et  laisse  la  compagnie  bien  loin:  et  encores  ces  trois-la  il  ne  les  mene  point  avec  luy,  mais  il  prie  Dieu  son  Pere  en  secret.  Quand  nous  voyons  cela,  nous  avons  a  noter  que  nostre  Seigneur  Iesus  n'a  eu  nul  compagnon,  quand  il  s'est  offert  en  sacrifice  pour  nous:  mais  qu'il  a  parfait  et  accompli  ce  qui  estoit  requis  pour  nostre  salut.  Et  mesmes  cela  nous  est  encores  mieux  declare,  quand  les  disciples  dorment,  et  ne  peuvent  mesmes  estre  es  veillez,  combien  qu'ils  eussent  este  advertis  desia  tant  de  fois  que  l'heure  approchoit,  en  laquelle  nostre  Seigneur  Iesus  devoit  souffrir  pour  la  redemption  du  genre  humain,  et  qu'il  les  eust  exhortez  par  l'espace  de  trois  ou  quatre  heures,  ne  cessant  de  tousiours  leur  declarer  que  sa  mort  approchoit.  Combien  donc  que  tout  cela  soit,  ils  ne  laissent  pas  de  s'endormir.  En  cela  il  nous  est  monstre  comme  en  une  peinture  vive,  qu'il  a  bien  fallu  que  le  Fils  de  Dieu  receust  toutes  nos  charges:  car  il  ne  falloit  point  qu'il  s'attendist  a  autre.  Et  c'est  afin  que  nous  soyons  recueillis  pour  ne  point  extravaguer,  comme  nous  voyons  les  povres  incredules,