46:835  835  SERMONS  836  cela  voyons  nous  que  les  offenses  dont  nous  estions  redevables  a  Dieu  ne  se  pouvoyent  point  abolir  sinon  qu'il  fust  mis  iusques  a  l'extremite.  Et  de  fait  nous  scavons  qu'il  a  este  fait  infirme,  afin  que  nous  fussions  fortifiez  par  sa  vertu:  et  qu'il  a  voulu  soustenir  toutes  nos  passions,  excepte  peche,  afin  qu'il  soit  prompt  auiourd'huy  a  nous  secourir.  Oar  s'il  n'avoit  senti  en  sa  personne  les  craintes,  les  doutes  et  les  torments  que  nous  endurons,  il  ne  seroit  pas  si  enclin  a  nous  estre  pitoyable  comme  il  est.  On  dit  qu'un  homme  qui  ne  scait  que  c'est  de  faim  ni  de  soif,  ne  sera  esmeu  de  compassion  ni  humanite  envers  ceux  qui  endurent:  pour  ce  qu'il  a  este  tousiours  a  son  aise,  et  vescu  en  ses  delices.  Or  il  est  vray  que  Dieu,  combien  qu'en  sa  nature  il  n'endure  rien  de  nos  passions,  ne  laisse  pas  pourtant  de  nous  estre  humain:  mais  c'est  pource  qu'il  est  la  fontaine  de  toute  bonte  et  misericorde.  Toutesfois,  afin  que  nous  fussions  asseurez  que  nostre  Seigneur  Iesus  cognoit  nos  foiblesses  pour  y  subvenir,  et  que  nous  venions  tant  plus  hardiment  a  luy,  et  y  ayons  une  adresse  plus  familiere,  l'Apostre  dit  que  pour  ceste  cause  il  a  voulu  estre  tente  comme  nous.  Ainsi  donc  nous  avons  a  observer  au  texte  que  nous  avons  leu,  quand  nostre  Seigneur  Iesus  est  venu  en  ceste  bourgade  de  Gethsemane,  et  mesmes  en  la  montagne  des  oliviers,  que  ca  este  pour  s'offrir  en  sacrifice  volontaire.  Et  en  cela  il  s'est  voulu  acquitter  de  l'office  et  de  la  charge  qui  luy  estoit  commise.  Car  pourquoy  a-il  vestu  nostre  chair  et  nature,  sinon  pour  reparer  toutes  nos  rebellions  par  son  obeissance,  afin  de  nous  acquerir  plene  et  parfaite  iustice  devant  Dieu  son  Pere?  Et  pourtant  il  s'est  venu  presenter  a  la  mort,  pource  que  nous  ne  pouvons  estre  reconciliez  par  autre  moyen,  ni  appaiser  l'ire  de  Dieu,  qui  avoit  este  provoquee  par  le  peche  sinon  par  son  obeissance.  Voyla  donc  pourquoy  le  Fils  de  Dieu  est  venu  franchement  au  lieu  ou  ii  scavoit  que  Iudas  le  devoit  trouver.  Et  ainsi  cognoissons  qu'il  a  falu,  d'autant  que  nostre  pere  Adam  par  sa  rebellion  nous  avoit  tous  abysmez,  que  le  Fils  de  Dieu  qui  a  empire  souverain  sur  toutes  creatures,  se  soit  assuieti,  et  qu'il  ait  prins  la  condition  d'un  serf:  comme  aussi  il  est  nomme  et  serviteur  de  Dieu,  et  de  tous  les  siens.  Et  voyla  pourquoy  aussi  sainct  Paul,  monstrant  comme  il  nous  faut  estre  appuyez  pour  invoquer  en  plene  confiance  que  nous  serons  exaucez  comme  ses  enfans,  dit  que  par  l'obeissance  de  nostre  Seigneur  Iesus  Christ,  nous  sommes  reputez  iustes.  Car  c'est  comme  un  manteau  pour  couvrir  tous  nos  pechez  et  offenses,  en  sorte  que  ce  qui  nous  pourroit  empescher  d'obtenir  grace,  ne  vient  point  en  compte  devant  Dieu.  Mais  d'autre