46:834  voque  l'ire  de  Dieu,  et  de  l'avoir  pour  ennemi  mortel,  Payant  comme  un  iuge  si  terrible  et  espouvantable,  qu'il  vaudroit  beaucoup  mieux  que  le  ciel  et  la  terre,  et  toutes  creatures  conspirassent  contre  nous,  que  d'approcher  de  sa  maieste  cependant  qu'elle  nous  est  contraire.  Il  faut  bien  donc  que  les  pecheurs  soyent  navrez  d'un  sentiment  et  apprehension  de  leurs  fautes,  et  qu'ils  se  cognoissent  plus  que  miserables,  pour  avoir  horreur  de  leur  estat,  afin  que  par  ce  moyen  ils  scachent  combien  ils  sont  tenus  et  obligez  a  Dieu,  de  ce  qu'il  en  ha  pitie,  les  voyfc  la  au  desespoir,  et  qu'il  les  a  bien  voulu  secourir  ne  voyant  en  eux  aucune  dignite:  mais  regardant  seulement  a  leurs  miseres.  Or  il  y  a  aussi  (comme  nous  avons  touche)  d'autant  que  nous  sommes  envelopez  par  trop  yci  bas,  et  que  quand  Dieu  nous  appelle  a  soy,  nous  sommes  retenus  de  nos  affections  et  cupiditez,  qu'il  est  besoin  pour  priser  la  vie  celeste  comme  elle  en  est  digne,  que  nous  scachions  combien  elle  nous  a  este  cherement  acquise.  Et  voyla  pourquoy  il  nous  est  yci  recite  que  non  seulement  nostre  Seigneur  Iesus  Christ  a  voulu  souffrir  la  mort  et  s'est  presente  en  sacrifice  pour  appaiser  l'ire  de  Dieu  son  Pere:  mais  afin  d'estre  vrayement  et  du  tout  nostre  plege,  il  n'a  pas  refuse  de  soustenir  les  angoisses  qui  sont  apprestees  a  tous  ceux  que  leur  conscience  redargue,  et  qui  se  sentent  coulpables  de  mort  eternelle  et  damnation  devant  Dieu.  Notons  bien  donc  que  le  Fils  de  Dieu  ne  s'est  point  contente  d'offrir  sa  chair  et  son  sang,  et  l'assuietir  a  la  mort:  mais  qu'il  a  voulu  quant  et  quant  comparoistre  devant  le  siege  iudicial  de  Dieu  son  Pere  au  nom  et  en  la  personne  de  tous  pecheurs,  estant  la  prest  a  estre  condamne:  voire  d'autant  qu'il  portoit  nostre  fardeau.  Et  ne  faut  point  que  nous  ayons  honte,  voyans  que  le  Fils  de  Dieu  s'est  assuieti  a  telle  infirmite.  Ce  n'est  point  sans  cause  que  S.  Paul  nous  exhorte  par  son  exemple  de  n'avoir  point  honte  de  la  predication  de  la  croix,  combien  qu'elle  soit  folie  a  d'aucuns,  et  en  scandale  a  beaucoup.  Car  d'autant  plus  que  nostre  Seigneur  Iesus  s'est  abbaisse,  en  53