46:833  833  PREMIER  SERMON.  MATTH.  Ch.  XXVI.  36.  Alors  Iesus  veint  avec  eux  en  un  bourg  appele  Gethsemane:  et  dit  a  ses  disciples,  Seez  vous  yci  iusques  a  tant  que  ie  voise  la,  et  que  ie  prie:  37.  Lors  il  print  Pierre  et  les  deux  fils  de  Zebedee,  et  commenca  a  se  contrister,  et  estre  dolent,  38.  Et  adonc  il  leur  dit,  Mon  ame  est  triste  iusques  a  la  mort:  demeurez  yci  et  veillez  avec  moy.  39.  Et  s1  en  allant  un  peu  plus  loin,  se  reietta  en  terre  sur  sa  face,  priant  et  disant,  Mon  Pere,  sHl  est  possible,  que  ceste  coupe  passe  outre  de  moy:  toutesfois  non  point  comme  ie  veux,  mais  comme-tu  veux  etc.  Quand  il  nous  est  parle  de  nostre  salut,  l'Escriture  nons  propose  trois  fins.  L'une  e'est  que  nous  cognoissions  l'amour  inestimable  que  Dieu  nous  a  porte,  afin  qu'il  en  soit  glorifie  par  nous  comme  il  le  merite.  L'autre  que  nous  ayons  nos  pechez  en  telle  detestation  qu'il  appartient,  et  que  nous  soyons  droitement  confus  pour  nous  humilier  devant  la  maieste  de  nostre  Dieu.  La  troisieme,  que  nous  prisions  nostre  salut  en  telle  sorte,  que  cela  nous  face  quitter  le  monde,  et  toufr  ce  qui  appartient  a  ceste  vie  caduque:  et  que  nous  soyons  ravis  en  cest  heritage  qui  nous  a  este  acquis  si  cherement.  Voyla  donc  ou  il  nous  faut  ietter  les  yeux,  et  appliquer  tous  nos  sens,  quand  il  nous  est  fait  mention  comme  le  Fils  de  Dieu  nous  a  rachetez  de  la  mort  eternelle,  et  nous  a  acquis  la  vie  celeste.  Il  faut  donc  en  premier  lieu  que  nous  apprenions  a  rendre  a  Dieu  la  louange  dont  il  est  digne.  Et  defait  il  nous  pouvoit  bien  retirer  des  abysmes  de  mort  d'une  autre  facon:  mais  il  a  voulu  desployer  les  thresors  de  sa  bonte  infinie,  quand  il  n'a  point  espargne  son  Fils  unique.  Et  nostre  Seigneur  Iesus  en  cela  nous  a  voulu  donner  un  gage  excellent  du  soin  qu'il  avoit  de  nous,  quand  il  s'est  offert  volontairement  a  la  mort.  Car  iamais  nous  ne  serons  touchez  au  vif  ni  enflammez  pour  louer  nostre  Dieu,  sinon  que  d'autre  coste  nous  facions  examen  de  nostre  condition,  et  que  nous  soyons  comme  abysmez  aux  enfers,  scachans  que  c'est  d'avoir  pro-  Calvini  opera.  Vol.  XLV  L