9:83  83  SECUNDA  DEFENSIO  84  tam  superbe  hic  insultet  Quia  praecise  verbis  nos  alligant  inexorabiles  isti  magistri,  dixeram  panem  esse  corpus,  et  vinum  sanguinem,  sicuti  et  manna  Christus,  columba  spiritus  alibi  vocatur.  De  loquutione  certamen  nobis  est,  quam  mordicus  arreptam  tenent  [pag.  85]  adversarii.  Ego  similes  profero,  quas  idem  valere  aequum  est.  Si  nunc  Westphalus  excipit  de  pane  dictum  esse:  Hoc  est  corpus,  cur  mihi  vicissim  obiicere  non  liceat  de  veteri  sacramento  recte  esse  dictum:  Hic  est  Christus,  de  columba:  Hic  est  spiritus  sanctus?  Donec  probet  propriam  uni  loco  esse  grammaticam,  quae  aliis  omnibus  non  conveniat,  non  aliud  evincet  apud  sanos  iudices,  nisi  panem  esse  corpus,  quemadmodum  Deus  columbam  spiritum  suum  vocat.  Septimo  capite  eandem  retexit  telam,  1)  quam  supra  quarto  exorsus  fuerat.  Quae  tamen  repetitio  hoc  nomine  non  ingrata  mihi  est,  quod  melius  patefaciet  lectoribus,  qua  do  re  contendat.  Coenam  me  Christo  vacuam  ponere  causatur,  quia  Christum  coelo  includam,  sicuti  eum  in  coelo  quaeri  voluit  Zvinglius,  coeloque  capi  docuit,  donec  in  iudicium  appareat.  Non  animadvertit  autem  bonus  hic  censor,  Petri  apostoli  verba  esse  (Act.  3,  21),  quae  tanquam  a  Zvinglio  profecta  flagellat.  Omitto  etiam  quum  Zvinglius  sententiam  suum  explicans  scripsisset  :  Nos  volumus,  verbum  hoc  non  secus  exagitari,  quam  si  ille  fidus  et  strenuus  ecclesiae  doctor  [pag.  86]  Christum  imperio  suo  subiiceret.  Nugator,  si  nesciebas  latinos  scriptores  passim  ita  solere  loqui,  ut  velle  se  dicant  quod  intendunt,  idque  sine  ulla  superbiae  nota:  ubi  tua  eruditio,  cuius  asserendae  cura  quantopere  te  excruciet  ex  libro  perspicitur?  Si  vero  sciebas,  ubi  integritas  et  candor?  Sed  ut  de  summa  rei  agamus,  si  Christum  in  coelo  quaeri  non  vult  Westphalus,  nodum  hunc  nobis  expediat,  quomodo  teste  Petro,  oporteat  ipsum  coelo  capi.  Connivens  ad  Petri  testimonium,  digreditur  in  locum  communem,  quaerendum  esse  non  ubi  homines  volunt,  sed  ubicunque  promisit  se  praesentem  fore.  Quasi  vero  nostris,  vel  hominum  placitis,  ac  non  potius  coelestibus  oraculis  pugnemus.  Atqui  se  exhibet  Christus  in  verbo  et  sacramentis.  Non  negamus,  si  tantum  definiatur  exhibitionis  ratio.  Sed  quando  promissiones  hic  Westphalus  ostendit,  admittat  necesse  est  Christi  praesentiam  extra  coenae  usum  non  minus  quam  in  coena.  Promissio  Christi  est:  Ego  vobiscum  sum  usque  ad  consummationem  saeculi  (Matth.  28,  20).  Item:  Ubi  duo  aut  tres  fuerint  in  nomine  meo,  illic  sum  in  medio  eorum  (Matth.  18,  20).  Negabit  carnis  et  sanguinis  nomen  [pag.  87]  exprimi.  Quid  ?  an  totus  et  integer  Christus  non  est  Deus  manifestatus  in  carne?  Obtineo  igitur  1)  il  repasse  la  mesme  sausse  dont  il  nous  avoit  fait  feste  oi  devant.