56:83  83  EXODE.  84  temps-la,  Moyse  estant  devenu  grand,  il  sortit  a  ses  freres,  et  veit  leurs  chargee,  il  veit  aussi  un  homme  Egyptien  frapant  un  homme  Hebrieu  d'entre  ses  freres.  12.  Et  regardant  ca  et  la,  il  veit  qu'il  n'y  avoit  personne:  ainsi  il  frapa  l'Egyptien,  et  le  cacha  sous  le  sablon.  13.  Derechef  il  sortit  le  second  iour,  et  voici  deux  hommes  Hebrieux  qui  estrivoyent:  donc  il  dit  a  celuy  qui  faisoit  outrage  Pourquoy  frapes-tu  ton  prochain?  14.  Lequel  respondit,  Qui  t'a  constitue  pour  prince  et  iuge  sur  nous?  me  penses-tu  tuer  comme  tu  as  tue  l'Egyptien?  Lors  Moyse  craignit  et  dit,  Certes  le  cas  est  cognu.  15.  Pharao  ayant  entendu  l'affaire,  cerchoit  de  mettre  Moyse  a  mort.  Mais  Moyse  s'enfuit  de  devant  Pharao,  et  habita  en  la  terre  de  Madian,  et  s'arresta  aupres  d'un  puis.  16.  Or  le  Sacrificateur  de  Madian  avoit  sept  filles,  lesquelles  veinrent  tirer  de  Peau,  et  emplirent  les  auges  pour  abruver  le  bestail  de  leur  pere.  17.  Mais  les  bergers  surveinrent,  et  les  deschasserent,  et  Moyse  se  leva  et  les  defendit,  et  abruva  leur  bestail.  18.  Quand  elles  furent  revenues  a  Raguel  leur  pere;  il  leur  dit,  Comment  estes-vous  retournees  si  tost  auiourd'huy?  19.  Elles  respondirent,  un  homme  Egyptien  nous  a  delivrees  de  la  main  des  bergers,  mesme  nous  a  puise  de  Peau,  et  a  abruve  le  bestail.  20.  Lors  il  dit  a  ses  filles,  et  ou  est-il?  pourquoy  avez-vous  ainsi  laisse  cest  homme?  appelez-le  afin  qu'il  mange  du  pain.  21.  Et  Moyse  s'accorda  d'habiter  avec  cest  homme,  lequel  donna  Sephora  sa  fille  a  Moyse.  22.  Et  elle  enfanta  un  fils,  et  il  appela  son  nom  Gerson,  disant,  Ie  suis  habitant  en  terre  estrange  23.  Il  adveint  long  temps  apres,  que  le  roy  d'Egypte  mourut:  et  les  enfans  d'Israel  souspirerent  a  cause  de  la  besongne,1)  et  leur  cri  monta  a  Dieu  pour  la  besongne.  24.  Dieu  donques  ouit  leur  cri,  et  Dieu  se  souveint  de  son  alliance2)  avec  Abraham,  Isaac,  et  Iacob.  25.  Ainsi  Dieu  regarda3)  les  enfans  d'Israel,  et  les  recognut.  Chapitre  III.  1.  Or  Moyse  estoit  pasteur  du  bestail  de  Iethro  son  beaupere  Sacrificateur  de  Madian,  et  menant  le  bestail  derriere  le  desert,  il  parveint  en  la  montagne  de  Dieu  en  Horeb.  2.  Et  l'Ange  du  Seigneur  s'apparut  a  luy  du  milieu  d'un  buisson,  en  flamme  de  feu,  et  il  regarda:  et  voici  le  buisson  ardoit  en  feu,  et  ne  se  consumoit  point.  3.  Lors  Moyse  dit,  Ie  me  destourneray  maintenant,  et  verray  ceste  grande  vision,  pourquoy  le  buisson  ne  brusle  point.  4.  Et  le  Seigneur  veit  qu'il  se  destournoit  pour  regarder:  et  Dieu  Pappela  du  milieu  du  buisson,  *)  En  marge:  ou,  servitude  (O.  ete.)  2)  59.  (O.  etc.  pact.)  s)  46  suiv.  (O.  veit).