54:83  SERMON  VII  84  pendant  demeurera  ferme,  vous  verrez  mesmes  ceux  qui  ont  esto  comme  capitaines  pour  conduire  les  fideles,  que  ceux-la  se  revolteront.  Et  bien,  persistez  a  vostre  Dieu.  Quand  il  a  dit  cela,  et  bien,  a  l'opposite  il  met  un  seul  homme.  Car  (comme  i'ay  desia  dit)  il  nous  admoneste,  quand  Dieu  nous  monstrera  quelqu'un  qui  nous  doit  donner  bon  courage,  et  qu'il  y  en  aura  plusieurs  qui  seront  pour  nous  divertir,  que  si  nous  suyvons  le  mal,  et  quittons  le  bien,  il  n'y  aura  nulle  excuse  pour  nous.  Et  cela  est  bien  a  noter.  Car  il  est  vray  qu'auiourd'huy  on  en  verra  qui  pour  crainte  de  la  mort,  et  par  infirmite  tomberont  et  renonceront  Iesus  Christ.  En  voit-on  de  tels?  Mais  on  verra  des  Martyrs  qui  vont  constamment  a  la  mort,  qui  ne  sont  nullement  estonnez,  qui  mesmes  se  resjouissent  quand  il  est  question  de  seeller  l'Evangile  par  leur  propre  sang.  Si  nous  voyons  un  seul  Martyr,  sa  constance  ne  doit-elle  pas  nous  fortifier  beaucoup  plus,  que  la  legerete  de  ceux  qui  defaillent,  et  qui  ne  regardent  point  a  quoy  ils  sont  appelez,  ne  nous  doit  estonner?  Apres,  nous  en  verrons  qui  par  ambition,  par  avarice,  et  pour  d'autres  regars  du  monde  se  depravent  et  corrompent:  mais  nous  en  verrons  d'autres  qui  sont  comme  des  rochers,  qui  ne  sont  nullement  esmeus,  quelques  tentations  que  le  diable  leur  suscite,  ils  surmontent  tout.  Quand  nous  voyons  un  seul  homme  qui  est  ainsi  esprouve  comme  un  vaillant  champion,  que  Dieu  monstrera  comme  au  doigt  que  sa  vertu  habite  la,  ne  devons-nous  point  faire  cest  honneur  a  Dieu,  de  nous  conformer  a  luy,  plustost  qu'a  nostre  escient  nous  pervertir,  voire  scachans  bien  que  le  tout  ne  sera  qu'a  nostre  perdition  ?  Or  tant  y  a  qu'auiourd'huy  nous  voyons  ceci  bien  mal  prattique.  Car  tant  s'en  faut  qu'un  homme  de  bien  vaille  plus,  et  ait  plus  d'importance  envers  nous  pour  nous  edifier,  que  n'auront  une  centeine  de  meschans:  que  si  nous  avions  les  yeux  crevez  de  bons  exemples,  il  ne  faudra  sinon  que  le  diable  nous  mette  en  avant  un  scandale,  tout  le  reste  sera  perdu  et  mis  en  oubli.  Si  est-ce  que  Dieu  en  la  fin  monstrera  qu'il  prise  ce  qu'il  nous  donne  pour  nous  edifier  d'avantage.  Et  d'autant  plus  nous  faut-il  recorder  ceste  lecon  qui  nous  est  ici  monstree  par  sainct  Paul:  c'est  que  toutesfois  et  quantes  que  nous  verrons  des  brouillons  qui  falsifient  la  verite  de  Dieu,  que  nous  verrons  des  ennemis  domestiques  qui  taschent  de  ruiner  tout  entre  nous,  que  nous  verrons  des  apostats  qui  retournent  a  la  Papaute,  que  nous  en  verrons  d'autres  qui  desguisent  la  parole  de  Dieu,  que  pour  n'estre  point  troublez  nous  regardions  a  l'entour,  et  que  si  nostre  Seigneur  nous  propose  des  gens  qui  nous  puissent  inciter  a  constance,  qui  monstrent  que  quoy  qu'il  ��en  oit  ils  vont  tousiours  leur  cours,  et  que  la