50:83  83  EPIST.  PAULI  AD  CORINTHIOS  II  84  dem  sacerdotes  alloquitur  his  verbis.  Paraphrastice  enim  sacerdotes  designat  quum  dicit:  Vos,  qui  fertis  vasa  Domini.  Quia  illis  commissa  erat  vasorum  cura,  quibus  sacrificia  et  aliae  partes  divini  cultus  peragebantur.  Non  dubium  autem  quin  eos  hortari  velit,  ut  interim  dum  ad  exitum  adspirant,  caveant  ab  omni  contagio  tot  sordium  quibus  scatebat  regio.  Id  non  minus  hodie  nobis  congruit  quam  veteribus  Levitis.  Nam  si  in  vasorum  custodibus  requiritur  tanta  mundities,  quanto  maior  in  ipsis  vasis?  atqui  omnia  nostra  membra  vasa  sunt  ad  spiritualem  Dei  cultum  destinata:  nos  quoque  regale  sumus  sacerdotium.  Ergo  quum  Dei  gratia  simus  redempti,  aequum  est  ut  nos  custodiamus  impollutos  ab  omni  immunditie,  ne  Dei  sanctuarium  polluamus.  Caeterum  quemadmodum  manentes  in  hoc  mundo,  redempti  tamen  sumus  et  erepti  a  mundi  inquinamentis:  ita  non  est  migrandum  de  vita,  ut  exeamus  ob  omni  immunditie,  sed  fugienda  tantum  omnis  participatio.  Summa  est:  si  vero  cordis  affectu  enitimur  ad  beneficium  redemptionis,  cavendum  est  ne  quo  sordium  contactu  nos  inquinemus.  18.  Ero  vobis  in  patrem.  Non  uno  tantum  loco  exstat,  sed  passim  repetitur  haec  promissio:  quam  ideo  adiunxit  Paulus,  ut  agnitio  tantae  dignationis,  in  quam  nos  evexit  Deus,  stimulus  nobis  esset  ad  maius  sanctimoniae  studium.  Nam  uli  ecclesiam  suam  ex  profanis  gentibus  collectam  Deus  restituit,  redemptionem  sequitur  hic  fructus,  ut  fideles  appareant  eius  filii  ac  filiae.  Non  est  vulgaris  honor,  censeri  nos  inter  filios  Dei.  Nostrum  est  vicissim  curare  ne  degeneres  nos  ei  filios  praestemus.  Quantam  enim  iniuriam  facimus  Deo,  si  eum  nominantes  patrem  idolorum  abominationibus  nos  foedamus?  Debet  igitur  tantae  nobilitatis,  ad  quam  nos  extulit,  cogitatio  sanctimoniae  ac  puritatis  studium  in  nobis  acuere.  1.  Has  igitur  promissiones.  Deus  in  suis  promissionibus  mera  quidem  sua  gratia  nos  anticipat:  sed  postquam  nobis  suam  gratiam  ultro  detulit,  continuo  post  stipulatur  a  nobis  mutuam  gratitudinem.  Ita  quod  dicebat  Abrahae:  Ego  sum  Deus  tuus,  erat  gratuitae  bonitatis  invitatio.  Stipulationem  tamen  simul  addebat:  Ambula  coram  me,  et  esto  integer.  Quia  autem  non  semper  exprimitur  secundum  hoc  membrum,  Paulus  admonet  hanc  subesse  conditionem  universis  promissionibus,  ut  nobis  ad  provehendam  Dei  gloriam  sint  incitamenta.  Unde  enim  ad  nos  exstimulandos  argumentum  sumit?  ex  eo  quod  tanta  honoris  amplitudine  Deus  nos  dignatur.  Haec  igitur  promissionum  natura,  ut  nos  ad  sanctificationem  vocent,  quasi  tacita  pactione  a  Deo  interposita.  Et  scimus  quid  passim  de  fine  redemptionis  nostrae  scriptura  doceat,  quod  idem  ad  singula  gratiae  eius  testimonia  aptare  convenit.  Ab  omni  inquinamento  carnis  et  spiritus.  Quia