44:83  83  IN  HAGGAEUM  84  statim  a  reditu  populi  :  sed  opus  vel  neglectum  fuit,  vel  impeditum  ab  hostibus.  Quum  autem  data  fuit  Iudaeis  libertas  aedificandi  templi,  colligimus  ex  propheta  nostro  fuisse  Deo  ingratos,  quia  unumquemque  rapiebat  privata  utilitas,  ut  cultus  Dei  nulla  fere  apud  eos  esset  ratio.  Ideo  nunc  invehitur  propheta  in  istam  pigritiem,  quae  coniuncta  erat  cum  impietate.  Quid  enim  magis  indignum,  quam  ut  fruerentur  patria  sua  et  illa  haereditate,  quam  Deus  olim  Abrahae  promiserat:  Deum  vero  pro  nihilo  ducerent,  et  praecipuam  illam  gratiam,  quod  volebat  scilicet  habitare  inter  ipsos?  Scimus  electum  fuisse  domicilium  in  monte  Sion  a  Deo,  ut  inde  prodiret  redemptor  mundi.  Quum  ergo,  hac  cura  posthabita,  exstruerent  singuli  domos  suas,  merito  hic  propheta  vehementer  ipsos  obiurgat  Dei  nomine  et  mandato.  Hoc  quantum  ad  tempus  spectat.  Dicit  autem,  Anno  secundo  Darii,  quia  iam  annus  fuerat  elapsus,  ex  quo  data  fuerat  libertas  aedificandi  templi.  Sed  non  erat  Iudaeis  otium,  quoniam  nimium  addicti  erant  privatis  suis  commodis.  Ac  dicit  autem,  datum  sermonem  hunc  fuisse  in  manu  sua  ad  Zerubbabel,  filium  Sealthiel,  et  ad  Iehosuah,  filium  Iehosadah.  Postea  videbimus  doctrinam  promiscue  spectare  ad  totum  vulgus:  et  quantum  assequi  licet  probabili  coniectura,  neque  Zerubbabel,  neque  Iehosua  in  culpa  erant  quod  templum  manebat  desertum:  imo  ex  Zacharia  etiam  certo  colligimus  fuisse  vere  cordatum  principem  Zerubbabel:  Iehosuam  etiam  fideliter  suo  sacerdotio  esse  functum.  Quum  ergo  uterque  suam  operam  Deo  impenderet,  qui  fit  ut  propheta  sermonem  ad  ipsos  dirigat?  deinde  quum  in  toto  populo  resideret  culpa,  cur  non  alloquitur  omnes?  cur  non  convocat  totam  multitudinem?  Non  dubium  est  quin  Dominus  voluerit  et  Zerubbabel,  et  Iehosuam  adiungere  servo  suo  socios,  ut  prodirent  tres  ipsi  ad  populum  et  quasi  uno  ore  proferrent  quod  Deus  mandaverat  servo  suo  Haggaeo.  Haec  igitur  ratio  est  cur  propheta  dicat  se  missum  fuisse  ad  Zerubbabel  et  ad  Iehosuam.  Interim  discamus,  principes,  et  quibus  Deus  partes  iniunxit  gubernandae  ecclesiae  suae,  nunquam  ita  probe  fungi  officio  suo,  nec  tam  viriliter  et  strenue  implere  suas  partes,  quin  excitandi  sint  a  quasi  pu  n  gen  d  i  multis  stimulis.  Dixi  iam  aliis  locis  laudari  Zerubbabel  et  Iehosuam:  Dominus  tamen  ipsos  aggreditur  et  expostulat  severe,  quod  negligant  templi  aedificationem:  non  facit  hoc,  nisi  ut  confirment  sua  autoritate  quod  dicturus  erat  propheta.  Sed  interim  etiam  ostendit  ipsos  non  vacare  prorsus  omni  culpa,  dum  ita  torpet  populus,  et  non  prosequitur  templi  aedificationem.  Quod  autem  vocatur  Zerubbabel  filius  Sealtiel,  putant  multi  filium  positum  esse  nepotis  loco  et  praeteritum  esse  patris  nomen.  Sed  illud  non  videtur  mihi  probabile.  Citant  ex  Chronicis  fuisse  aliter  voca-