39:83  83  PRAELECTIONES  84  illi  promissa  fuerit,  tametsi  usque  ad  mortem  ipsam  tam  duriter  et  aspere  fuerit  castigatus.  Deus  ergo  hoc  symbolum  voluit  manere  in  eius  animo,  ne  prorsus  desperaret.  Nunc  ergo  intelligimus  quorsum  propheta  hoc  pollicitus  fuerit  Zedechiae,  non  quod  ipsius  referret  cum  honore  sepeliri,  sed  ut  gustum  aliquem  inde  perciperet  divinae  bonitatis  et  clementiae.  Scimus  autem  combusta  fuisse  regum  cadavera  magno  sumptu,  quum  scilicet  coacervarentur  multi  pretiosi  odores,  et  accenderetur  ignis,  et  ustularentur  corpora,  non  quod  redigerent  in  cineres  (illud  enim  non  fuit  consuetum,  sicuti  Romanis,  et  aliis  gentibus.  Nam  comburebant  cadavera  mortuorum,  deinde  colligebant  cineres).  Sed  nunquam  cadaver  hominis  fuit  eombustuin  apud  Iudaeos,  tantum  accendebant  ignem  super  cadaver,  ita  ut  tabes  amplius  non  posset  dominari  in  ipso  cadavere.  Siccabant  igitur  lenta  ustulatione  corpora  mortuorum  :  neque  id  fiebat  vulgo,  sed  in  regum  sepulturis,  quemadmodum  apparet  in  exemplo  Aza,  et  aliorum.  Dicit  igitur,  Combustionem  patrum  tuorum  comburent  te  j  et  plangent.  Heus  Domine.  Hic  posset  quaeri,  an  istae  lamentationes  Deo  probentur:  facilis  est  responsio,  prophetam  hic  non  laudare  immodicum  luctum,  et  clamores,  et  eiulatus,  quum  dicit,  plangent  te:  sed  sumpsisse  hunc  sermonem  ex  more  communi:  quasi  diceret,  Praestabunt  tibi  humanitatis  officium  in  tuis  exsequiis  quale  praestari  solet  regibus  adhuc  integris,  et  quum  illis  maneret  adhuc  prospera  fortuna.  Deus  ergo  quum  loquitur  hic  de  luctu  et  querimoniis,  non  commemorat  tanquam  virtutes  quae  placeant  vel  sint  laude  dignae:  sed  refert  quod  erat  tunc  in  communi  usu.  Caeterum  scimus,  quid  Paulus  praecipue  doceat  (1.  Thes.  4,13),  nempe  sic  temperandum  nobis  esse  a  luctu,  ut  non  simus  incredulis  similes,  qui  spem  non  habent:  Illi  enim  putant  mortem  esse  interitum  animi  et  corporis,  ita  lugent  suos  mortuos,  quasi  perditos:  deinde  etiam  obstrepunt  Deo,  et  crepant  interdum  horrendas  blasphemias.  Paulus  ergo  vult  nos  esse  moderatos  in  luctu.  Non  damnat  prorsus  omnem  luctum,  tantum  exigit  eam  moderationem,  ut  ostendamus  quid  valeat  apud  nos  spes  resurrectionis.  Interea  fieri  non  potest,  quin  in  hac  parte  modum  excedant  homines,  et  hoc  fuit  vitium  commune  fere  omnibus  saeculis,  quod  scilicet  in  mortuis  lugendis  fuerunt  ambitiosi.  Neque  enim  tantum  feruntur  genuino  affectu,  qui  amicos  vel  cognatos  lugent,  sed  quaedam  etiam  ambitio  impellit  ipsos  ut  sepeliant  cum  magno  strepitu  mortuos  suos.  Quamdiu  soli  sunt  quietos  se  continent,  ut  saltem  non  tumultuantur:  ubi  autem  prodeunt  in  conspectum  hominum,  impetus  suos  proiiciunt.  Hinc  ergo  apparet,  quod  dixi,  luctum  ipsum  esse  ambitiosum.  Sed  quia  ab  initio  mundi  hac  in  parte  peccarunt  homines,  ideo  maior  adhibenda  est  diligentia,  ut  quis-