35:83  83  SERMON  CXXV  84  iusques  a  ce  que  nous  ayons  bataille  contre  beaucoup  de  morts.  Or  il  est  vrai  que  ceci  nous  semble  fort  dur:  mais  notons,  qu'a  rude  asne,  rude  asnier  (comme  on  dit)  et  d'autant  que  nous  sommes  un  bois  dur,  il  nous  faut  des  chevilles  bien  dures,  il  nous  faut  de  grands  coups  de  marteau.  Il  est  vrai  que  nous  ne  pensons  point  estre  rebelles  a  Dieu;  mais  si  nous  pensions  a  ce  qui  en  est,  sans  nous  flatter,  nous  trouverions  que  ce  n'est  point  une  chose  petite  ne  commune  que  d'avoir  nourri  la  malice  en  nous.  Les  uns  rongent  leur  frain  a  l'encontre  de  Dieu,  tellement  qu'encores  que  les  afflictions  croissent,  ils  ne  laissent  pas  de  tousiours  grincer  les  dents,  et  d'estre  la  comme  des  bestes  sauvages:  les  autres  auront  bien  quelque  signe  d'humilite:  mais  quoi?  Ils  sont  volages,  que  du  iour  au  lendemain  il  ne  leur  en  souviendra  point.  Cependant  qu'un  homme  sera  tenu  enserre,  o  il  est  vrai  qu'il  dira,  I'ai  offense  mon  Dieu,  il  faut  que  ie  change:  et  non  seulement  il  fera  semblant  devant  les  hommes  par  hypocrisie  de  se  vouloir  amender,  mais  il  cuidera  lui-mesme  estre  tout  change,  et  qu'il  n'y  a  plus  en  lui  nulle  affection  mauvaise.  Mais  quoi?  Si  Dieu  le  delivroit  le  lendemain,  il  seroit  pire  qu'il  n'a  este,  ou  il  seroit  tout  un.  Voila  comme  nous  en  sommes.  Et  ainsi  ne  trouvons  point  estrange  que  Dieu  rabbatte  ainsi  les  coups:  s'il  voit  que  nous  ne  pouvons  estre  gaignez  a  lui,  mais  qu'il  y  ait  une  telle  fierte  qu'il  faille  qu'il  nous  corrige  de  longue  main  :  il  faut  qu'il  y  besongne  plus  rudement.  Comme  quand  une  maladie  sera  enracinee,  et  bien,  il  est  vrai  que  le  malade  pensera  estre  quitte,  ayant  prins  quelque  breuvage,  quelque  pilule,  ayant  eu  quelque  saignee:  il  lui  semble,  di-ie,  qu'il  est  sain  du  tout  :  mais  la  racine  de  la  maladie  n'est  pas  encores  du  tout  arrachee:  et  pourtant  il  faudra  qu'il  prenne  des  medecines  bien  rudes  et  bien  ameres,  qu'il  face  la  diette,  et  qu'il  soit  sous  la  main  du  medecin  un  mois  et  deux,  voire  un  an  entier.  Voila  comme  il  faut  que  Dieu  nous  purge  par  divers  remedes,  et  par  une  longue  cure:  d'autant  que  ce  vice  d'orgueil  est  trop  enracine  en  nous,  et  qu'il  a  perce  iusques  a  la  moelle  des  os,  que  tout  en  est  infecte,  tellement  qu'il  n'y  a  rien  de  sain  en  nous,  mais  tout  est  corrompu,  sinon  que  Dieu  le  renouvelle.  Voila  donc  pourquoy  il  est  ici  parle  de  ceste  longueur  qui  nous  dure  en  nos  afflictions,  tellement  que  nous  n'en  pouvons  plus:  et  mesmes  qu'il  faut  que  Dieu  use  de  remedes  divers:  qu'il  ne  nous  afflige  point  d'une  seule  facon,  mais  qu'il  envoye  maintenant  une  espece,  maintenant  l'autre,  et  que  nous  sachions  qu'il  ne  le  fait  point  en  vain1:  car  il  ne  prend  point  plaisir  a  tormenter  ses  povres  creatures.  Nous  savons  que  son  naturel