27:83  83  SERMON  LXXV.  84  ment:  il  ne  reste  sinon  ouvrir  les  yeux  pour  les  contempler.  Voila  comme  auiourd'huy  nous  devons  prattiquer  ce  passage,  quand  il  est  dit:  Ce  n'est  point  a.  vos  enfans  que  ie  m'adresse,  lesquels  pourroyent  repliquer  qu'ils  n'ont  point  veu  ne  cogneu:  car  Dieu  vous  a  fait  sentir  par  effect  ce  que  vous  devez  cognoistre  de  sa  vertu.  Or  cependant  contentons-  nous  d'avoir  experimente  la  bonte,  et  la  vertu  de  nostre  Dieu,  quand  il  nous  a  rachetez  de  la  confusion  eternelle  en  laquelle  nous  sommes  tous  nais  en  Adam.  Car  quelle  est  nostre  origine?  d'ou  est-ce  que  Dieu  nous  tire  quand  il  nous  veut  avoir  de  son  trouppeau?  Car  nous  n'apportons  de  nostre  naissance  que  toute  malediction,  nous  sommes  heritiers  de  la  mort  eternelle,  nous  sommes  perdus  et  damnez:  il  faut  que  Dieu  nous  soit  ennemi,  quand  il  nous  iugera  selon  nos  demerites,  il  faut  qu'il  nous  soit  adversaire,  efc  que  ce  qu'il  a  de  vertu  se  desploye  a  l'encontre  de  nous.  Or  si  nostre  nature  est  si  maligne,  et  perverse,  que  il  faut  tant  qu'elle  dominera  en  nous,  qu'elle  se  dresse  contre  Dieu:  ne  faut-il  pas  aussi  que  nous  entreprenions  la  guerre  contre  luy.  Car  autant  de  cupiditez  qui  sont  en  nous,  autant  sont-ce  de  deffiances,  comme  si  nous  voulions  Parmer  en  vengeance  contre  nous.  Or  cependant  il  luy  a  pleu  de  nous  retirer.  Quand  Dieu  nous  recoit  ainsi  a  soy  pour  estre  de  son  peuple  et  de  sa  maison,  c'est  plus  que  quand  il  a  retire  les  Iuifs  de  la  servitude  d'Egypte:  car  cela  n'a  este  qu'une  figure  de  ceste  redemption  qui  a  este  faite  en  nostre  Seigneur  Iesus  Christ.  Car  il  ne  nous  a  point  retirez  de  la  captivite  de  quelque  prince  terrien,  et  mortel  :  mais  du  gouffre  de  la  mort,  des  liens  de  Satan.  Ou  est-ce  que  Dieu  nous  prent  quand  il  luy  plaist  de  nous  appeller  a  soy,  et  qu'il  nous  veut  faire  sentir  sa  grace?  Faut-il  qu'on  nous  apporte  les  nouvelles  de  loin?  Qu'un  chacun  se  regarde,  et  nous  trouverons  que  nous  n'avons  autre  condition  quant  a  nous,  sinon  la  mort  eternelle.  Il  faut  donc  pour  appliquer  ceste  doctrine  a  nostre  usage,  que  nous  cognoissions  quand  Dieu  appelle  a  soy  un  chacun  de  nous,  que  c'est  plus  que  s'il  nous  avoit  retirez  de  toutes  les  servitudes,  et  captivitez  de  ce  monde,  voire  les  plus  cruelles  que  nous  pourrions  soustenir.  Cognoissons  cela,  et  aussi  advisons  de  nous  appliquer  a  considerer  les  oeuvres  de  Dieu:  car  c'est  la  ou  l'Escriture  nous  ramene,  pour  nous  faire  sentir  les  graces  qu'il  nous  a  eslargies,  afin  d'en  faire  nostre  profit:  car  voila  aussi  comme  Dieu  sera  cogneu  de  nous,  et  comme  nous  serons  incitez,  non  seulement  a,  l'adorer  comme  nostre  Dieu,  et  plier  sous  sa  maieste  glorieuse:  mais  a  luy  porter  une  amour  filiale,  tellement  que  nous  venions  a  luy  de  nostre  bon  gre,  que  nous  luy  portions  une  telle  reverence,  qu'il  nous  accepte