26:83  83  SERMON  XVII.  84  pour  les  rendre  esperdus.  Et  cela  mesmes  pouvoit  causer  un  grand  scandale:  Qu'est-ce  que  ceci  veut  vire?  Le  Seigneur  a  delibere  de  nous  met  re  en  possession  de  la  terre.  Et  pourquoy  est-cet  qu'il  nous  prive  de  celuy  qu'il  nous  a  ordonne  pour  conducteur?  Moyse  a  este  son  lieutenant  iusques  ici,  maintenant  il  s'en  va  mourir.  Il  semble  donc  que  Dieu  eust  tourne  bride,  et  qu'il  ne  voulust  point  achever  ce  qu'il  avoit  commence.  Moyse  regarde  a  cela.  Et  d'autant  plus  voyons-nous  que  son  desir  (si  nous  ne  regardons  pas  plus  loin)  estoit  sainct  et  iuste:  mais  la  faute  est,  de  ce  qu'estant  condamne  de  Dieu,  il  se  devoit  la  tenir,  et  ne  point  passer  outre  pour  repliquer.  D'avantage,  il  adiouste  quant  et  quant  :  Qui  est  le  Dieu  au  ciel  et  en  la  terre,  qui  ait  fait  selon  tes  oeuvres,  et  selon  ta  vertu?  Il  semble  bien  que  ceste  facon  de  parler  soit  lourde:  Qui  est  le  Dieu  au  ciel  et  en  la  terre.  Et  y  ha-il  autre  Dieu  que  celuy  qui  avoit  publie  sa  Loy  par  la  main  de  Moyse?  S'il  est  seul,  ceste  comparaison  est  superflue,  et  mesme  elle  est  absurde,  et  hors  de  propos.  Mais  nous  avons  a  noter,  que  Moyse  parlant  ainsi,  n'entend  pas  qu'il  y  ait  une  pluralite  de  dieux,  et  qu'un  chacun  face  selon  sa  portee  et  sa  vertu,  et  que  le  Dieu  d'Israel  surmonte,  et  qu'il  soit  le  plus  vaillant  de  tous.  Moyse  n'a  pas  eu  ceste  superstition  diabolique  en  sa  teste.  Il  cognoissoit  bien  donc  qu'il  n'y  avoit  qu'un  seul  Dieu,  celuy  qui  s'estoit  revele  a  leur  pere  Abraham,  celuy  qui  par  effect  avoit  monstre  qu'il  estoit  le  Dieu  eternel  qui  ne  varie  point:  mais  il  parle  au  regard  des  hommes.  Les  hommes  combien  qu'en  general  ils  confessent  que  tout  bien  precede  de  Dieu,  ne  laissent  pas  de  se  forger  des  idoles  a  leur  fantasie  :  qu'au  lieu  de  venir  a  leur  vray  Dieu  qui  a  cree  le  ciel  et  la  terre,  qui  s'est  manifeste  aux  peres,  les  hommes  s'esvanouissent  en  leurs  fantasies,  comme  S.  Paul  en  parle,  et  bastissent  ceci  et  cela.  Et  si  tost  que  nous  concevons  rien  de  la  maieste  de  Dieu:  nous  voila  incontinent  apres  des  Idoles,  nous  voila  destournez  du  Dieu  vivant.  Et  voila  comme  chacune  nation  a  eu  son  Dieu.  Si  on  leur  eust  demande:  Que  voulez-vous  faire,  povres  gens?  Nous  voulons  adorer  Dieu.  Mais  cependant  ils  ont  adore  leurs  idoles.  Et  pourquoy?  Ils  se  sont  di  vertis  de  la  simple  essence  de  Dieu,  et  ont  adore  ce  qu'ils  ont  basti  en  leurs  resveries,  et  en  leurs  folles  conceptions.  Suyvant  cela,  quand  ils  ont  eu  quelque  bien,  quelque  prosperite,  chacun  a  dit:  Loue  soit  Dieu,  Dieu  nous  a  fait  ce  bien  ici  :  mais  cependant  ils  attribuent  le  tout  a  leurs  Idoles.  Quand  du  temps  de  Moyse  on  eust  demande  aux  Egyptiens:  Or  ca,  vous  avez  eu  une  annee  bien  fertile,  vous  avez  recueilli  force  bleds  et  force  vins,  et  d'ou  vient  cela?  C'est  Dieu  qui  nous  a  aidez.  Et  cependant  ils  adoroyent  un  boeuf,  ils  adoroyent  une