11:83  EPISTOLAE  237.239  Farelli  manu  haec  addita  leguntur:6)  Quod  iniungit  frater  piorum  nomine,  quam  diligentissime  nobis  est  peragendum  ut  perficiatur.  Quam  vellem  Thomam  rediisse.  Dispicies  apud  te  quid  facto  sit  opus.  Videbis  meas  ad  fratres  literas  et  obsignabis,  si  prius  addideris  quae  videntur  vel  de  modo  citius  mittendo  vel  differendo,  donec  veniet  Thomas  cui  dent.  Nam  omnino  est  animus  pro  Christo  in  hac  causa  me  totum  impendere.  Vale.  238.  CALVINUS  FARELLO.  Gravi  morbo  initio  mensis  Septembris  correptus  est  a  quo  nondum  plane  revaluit  Etiam  uxor  in  simili  discrimine  posita.  Be  itinere  suscipiendo  cogitari  nequit.  Conventum  Wormaciensem  appropinquare  videt  satis  anxie,  propter  dolosas  adversariorum  machinationes.  (Ex  autographo  Bibi.  G  en  ev.  Cod.  106,  fol.  45.  Apographa  recentiora  exstant  ibid.  Cod.  111,  fol.  38.  Archiv.  Bern.  Epp.  T.  VII.  p.  383,  unde  descripsit  Simlerus  Vol.  48.  In  exemplari  authentico  inscriptio  nulla  adest.  Cod.  111  exhibet  titulum  :  C.  Farello.  De  quo  quidem  quasi  de  tertio  aliquo  epistola  loqui  videtur,  sed  cave  specie  fallaris.  Quod  de  itinere  suscepto  vel  potius  promisso  dicit,  apprime  conveniunt  cum  iis  quae  nuper  Farellus  N.  236,  quanquam  ibi  de  Bucero  nihil.)  Serius  tibi  respondeo  quia  et  quum  allatae  primum  sunt  tuae  literae  vix  prae  imbecillitate  corporis  tollere  digitum  poteram,  et  ex  eo  tempore,  quum  ad  hunc  usque  diem  semper  animi  fuerim  dubius,  nihil  certo  scribere  tibi  potui.  Siquidem,  ne  coniugium  nimis  laetum  esset,  Dominus  antevertit  gaudium  nostrum  temperando,  ne  modum  excederet.  Die  tertia  Septembris  tenuit  me  capitis  gravedo,  malum  adeo  mihi  familiare  ut  non  magnopere  commoverer.  Dio  dominico  qui  proximus  erat,  1)  quum  in  concione  pomeridiana  aliquantum  inealuissem,  sensi  liquefieri  humores  illos  qui  caput  occupaverant.  Antequam  illinc  discederem,  catarrhus  me  corripuit,  qui  continuo  fluxu  usque  ad  diem  Martis  admodum  me  vexavit.  Eo  die  quum  de  more  haberem  concionem  et  magna  in  loquendo  difficultate  laborarem,  quod  et  nares  fluxione  erant  impeditae  et  fauces  raucedine  quasi  praefocatae,  sensi  subitam  commotionem  fieri.  Stitit  enim  catarrhus,  sed  intempestive,  quum  adhuc  caput  esset  malis  humoribus  refertum.  Acciderat  autem  die  Lunae  quod  6)  Fortasse  ad  Viretum  scripta.  238.  D  5.  Sept.