10.1:83  ORDONNANCES.  (a  scavoir  chascun  en  son  tour)  a  douze  heures  propose  en  la  salle  commune  a  tous  les  enfans  du  college  un  theme  en  Francois:  et  eulx  estans  arrangez  par  ordre  selon  les  classes,  Fescrivent  soubs  luy,  chascun  selon  sa  portee.  Ce  qu'estant  faict,  qu'ils  se  retirent  tous  aux  classes  et  promptement  sans  regarder  en  pas  un  livre,  tournent  en  Latin  dedans  cinq  heures  le  theme  qui  leur  aura  este  propose:  chascun  de  soymesme,  et  sans  aide.  Et  a  fin  qu'il  ne  s'y  puisse  faire  aucune  fraude,  qu'il  y  ait  changement  de  classes,  tellement  que  le  Regent  de  la  seconde  classe  preside  sur  les  escholiers  de  la  premiere:  et  celuy  de  la  premiere  sur  les  escholiers  de  la  seconde:  et  ainsi  des  autres  suyvans.  Que  ceulx  qui  presideront,  prennent  garde  soigneusement  a  tout,  et  conduysent  l'acte  sans  aucune  fraude.  Que  les  Regens  recueillent  les  themes  chascun  de  la  classe  ou  il  a  preside:  et  les  ayant  mis  selon  l'ordre  des  dizaines,  les  rendent  fidelement  entre  les  mains  du  Principal.  Que  le  lendemain  et  autres  iours  suyvans  iusques  au  premier  iour  de  May,  le  Recteur  appelant  avec  soy  les  Professeurs  publics,  examine  par  ordre  les  themes  de  chascune  classe.  Et  les  fautes  estans  marquees,  et  les  escholiers  appelez  selon  leurs  dizaines,  et  ouis  en  la  presence  de  leur  Regent,  qu'il  determine  selon  l'advis  de  ses  assistans,  a  quel  degre  debvra  estre  avance  chascun  des  escholiers.  [page  13]  Que  le  premier  iour  de  May  (sinon  qu'il  se  rencontrast  en  un  Dimanche:  car  en  tel  cas  l'acte  se  remettra  au  lendemain)  tout  le  College  s'assemble  au  temple  de  8.  Pierre.  Que  la  soit  present  aussi  (s'il  semble  bon  a  Messieurs)  l'un  des  Seigneurs  Syndiques  ou  Conseilliers,  avec  les  Ministres  et  Professeurs,  le  Principal  et  les  Regens.  En  la  presence  desquels  le  Recteur  fera  quelque  brieve  harangue,  pour  recommander  l'observation  de  ces  loix  qui  la  seront  recitees  publiquement  en  la  presence  de  toute  la  compagnie.  En  apres  que  de  chascune  classe  les  deux  qu'on  aura  iuge  les  plus  diligens  et  scavans,  soyent  la  presentez,  pour  recevoir  de  la  main  du  Seigneur  Syndique  ou  Conseillier  qui  assistera,  quelque  petite  estreine,  de  tel  pris  qu'il  plaira  a  Messieurs  :  et  en  la  prenant  qu'ils  remercient  Messieurs  avec  reverence.  Lors  apres  que  le  Recteur  aura  en  peu  de  parolles  loue  iceulx  escholiers,  pour  leur  donner  meilleur  courage,  et  a  fin  que  les  autres  a  l'exemple  de  ceulx  la  soyent  incitez  a  bien  estudier:  si  les  escholiers  de  la  premiere  et  seconde  classe  ont  quelque  poesie  ou  autre  escript  a  reciter  devant  toute  la  compagnie,  qu'ils  le  facent  avec  honnestete  et  reverence.  Et  puis  le