46:825  825  SERMON  LXV.  826  Car  voyla  comment  les  gens  profanes  et  ennemis  de  la  verite,  tous  hypocrites,  et  tous  ceux  qui  n'ont  point  une  vraye  et  vive  racine  de  crainte  de  Dieu,  ont  leurs  complots  qu'ils  font  avec  les  faux  prophetes:  Et  bien,  vous  serez  honorez,  on  vous  servira  tout  ainsi  que  vous  le  demandez,  mais  cependant  regardez  aussi  de  ne  nous  point  fascher  en  vostre  parler:  que  vous  soyez  a  vostre  aise,  et  que  vous  nous  y  laissiez  aussi.  Ho,  malheur  sur  un  tel  complot,  quand  les  Prophetes  et  les  Docteurs  de  l'Eglise,  ceux  qui  ont  la  charge  d'enseigner,  que  ceux-la  (di-ie)  sont  comme  des  menestriers  pour  chanter  une  chanson  douce  et  plaisante,  et  qui  chatouille  les  aureilles  des  auditeurs  sans  aucun  profit.  Et  que  cependant  ceux  qui  se  plairont  en  telles  flateries,  diront,  Ho  le  bon  docteur,  Ho  le  bon  homme.  Et  que  scauroit-on  mieux  desirer?  Quand  donc  les  uns  veulent  estre  aussi  flattez,  et  que  les  autres  parleront  aussi  a  leur  gre,  voyci  nostre  Seigneur  Iesus  Christ  qui  vient  foudroyer  contre  tout  cela,  Malheur  sur  vous  (dit-il)  quand  les  hommes  diront  bien  de  vous,  car  ii  faudra  en  la  fin  que  vous  experimentiez  comme  vous  avez  este  abusez  quand  les  iaux-prophetes  vous  ont  applaudi:  car  il  n'y  aura  que  malediction  sur  vos  testes,  et  des  uns  et  des  autres,  quand  le  monde  aura  bien  dit  de  vous.