9:824  autres  se  laissent  mener  par  opinions  doubteuses:  ou  bien  s'endurcissent  en  obstination  perverse  sans  certitude  aucune.  Tout  cela  seroit  a  traicter  quant  au  premier  poinct,  avec  le  reste  servant  a  ce  propos:  et  le  tout  a  fin  d'exhorter  le  monde  d'avoir  un  tel  bien  en  recommandation  souveraine:  et  convier  et  grans  et  petis  a  estre  participans  d'un  tel  don  que  Dieu  nous  presente  a  tous,  sans  en  exclurre  personne:  remonstrer  d'autre  coste  quelle  ingratitude  ce  seroit,  de  fermer  les  oreilles  quand  Dieu  parle  a  nous,  reculler  quand  il  nous  appelle,  et  ne  donner  point  d'audience  a  ceste  saincte  doctrine,  en  laquelle  il  se  revele  a  nous  pour  nostre  salut.  Aussi  sur  ce  passage  i'auroye  a  taxer  la  presomption  diabolique  de  ceux  qui  osent  priver  le  commun  peuple  de  ce  benefice  de  Dieu,  luy  interdisant  la  lecture  de  l'Escriture  saincte,  comme  si  Dieu  n'avoit  pas  declaire  que  son  intention  a  este  de  la  publier  a  tous  estatz  et  a  toutes  langues.  I'aurois  a  remonstrer  quelle  cruaute  c'est  d'oster  aux  povres  ames  leur  nourriture,  pour  les  paistre  de  vent:  ou  plustost  au  lieu  de  refection,  leur  donner  poison  mortelle.  Voila  donc  la  somme  du  premier  article,  qui  requerroit  bien  ample  deduction,  comme  chacun  peut  voir.  Le  second  seroit  de  preparer  les  lecteurs  a  en  faire  leur  profit.  Laquelle  preparation  contient  deux  membres.  Assavoir  que  de  nostre  coste  nous  soyons  disposez  comme  il  appartient,  et  que  nous  sachions  a  quel  but  il  nous  convient  tendre.  Car  nul  ne  sera  iamais  capable  d'estre  enseigne  de  Dieu,  s'il  ne  se  presente  a  luy  avec  une  promptitudo  deliberee,  pour  suyvre  tout  ce  qui  luy  sera  commande.  S'il  ne  renonce  a  son  sens  propre  et  a  sa  raison,  pour  n'estre  sage  sinon  estant  docile.  S'il  ne  bride  ses  affections  pour  les  ranger  au  plaisir  du  Maistre.  Voire,  s'il  ne  se  constitue  prisonnier  de  son  bon  gre,  pour  estre  tenu  soubz  le  ioug  de  celuy  duquel  le  service  doit  estre  prefere,  non  seulement  a  toute  liberte,  mais  aussi  a  toute  domination.  S'il  n'oublie  toute  presomption,  pour  s'abbaisser  a  une  humilite  et  petitesse  telle  que  Dieu  la  requiert  en  ses  disciples.  S'il  n'ouvre  son