46:824  plant  la  face  de  Dieu,  comme  il  est  dit  au  Pseau.  16.  Que  donc  les  biens  nous  soyent  pour  aides,  iusques  a  ce  que  nous  iouissions  de  la  veue  de  la  face  de  nostre  Dieu,  ou  gist  toute  nostre  felicite  et  ioye.  Et  aussi  que  nous  apprenions  de  rire,  tellement  que  ce  soit  pour  nous  apprester  a  plorer  quand  il  plaira  a  Dieu,  et  que  nostre  ioye  mesme  soit  meslee  avec  tristesse,  aussi  que  nous  ayons  compassion  de  ceux  qui  endurent:  que  chacun  ne  se  retire  point  a  part,  mais  que  nous  apprenions  de  nous  resiouir  quand  le  nom  de  Dieu  sera  glorifie.  Qu'alors  (diie)  nous-nous  resiouissions,  encores  que  nous  eussions  occasion  de  gemir  et  de  plorer.  Et  au  contraire,  quand  nous  serions  a  nostre  aise,  et  qu'il  ne  seroit  question  sinon  de  nous  esgayer,  si  nous  voyons  quelque  desolation  en  l'Eglise,  et  que  le  nom  de  Dieu  soit  blaspheme,  qu'il  soit  expose  a  opprobre  et  a  mocquerie,  que  cela  nous  contriste  plus  que  toutes  les  benedictions  du  monde  ne  nous  scauroyent  resiouir:  et  que  nostre  ioye  pour  les  prosperitez  terriennes  alors  soit  attrempee,  et  que  nous  mettions  de  Peau  en  nostre  vin,  comme  on  dit  en  proverbe.  Voyla  quant  a  ce  mot.  Au  reste,  pour  conclusion,  quand  nostre  Seigneur  Iesus  Christ  dit,  Esiouissez  vous  quand  les  hommes  mesdiront  de  vous:  il  n'entend  pas  cela  de  tous  hommes,  mais  du  commun  :  comme  sainct  Paul  dit,  que  quand  il  voudroit  servir  aux  hommes,  et  leur  complaire,  il  faudroit  qu'il  renoncast  a  Dieu.  Car  les  hommes  charnels  de  leur  naturel  ne  demandent  sinon  qu'on  les  flatte,  et  qu'on  leur  complaise  en  tout  et  par  tout.  Ainsi  pour  estre  loue  a  la  facon  du  monde,  il  faudroit  fermer  les  yeux  a,  tous  les  vices,  et  nous  en  faire  procureurs  et  advocats,  et  les  maintenir,  et  faire  trouver  le  mal  vertu.  Voyla  en  somme  comme  il  advient  que  tous  ceux  qui  desirent  la  faveur  des  hommes  abastardissent  la  doctrine  de  Dieu,  et  la  corrompent  meschamment,  et  par  ce  moyen  quittent  le  service  de  leur  Maistre.  Mais  il  y  a  une  autre  facon  de  plaire:  c'est  ascavoir  que  nous  ne  taschions  point  de  nourrir  les  vices  des  hommes,  mais  selon  qu'eux  mesmes  se  deplaisent  au  mal,  que  la  nous  taschions  de  leur  plaire  selon  Dieu.  Brief  ceste  sentence  de  sainct  Paul  tend  a  ce  but,  qu'il  faut  que  les  hommes  ausquels  nous  taschons  de  plaire,  soyent  mesmes  ennemis  de  leurs  cupiditez  et  appetits  mauvais,  et  de  leurs  affections  meschantes.  Quand  ils  seront  tels,  il  est  certain  que  la  doctrine  de  Dieu  leur  plaira:  et  nous  par  consequent  qui  la  portons.  Mais  si  les  hommes  demeurent  en  leur  nature,  ils  voudront  qu'on  couvre  tout  et  qu'on  cale  la  voile  a  toutes  iniquitez.  Ainsi  donc  quand  il  est  parle  yci  des  hommes,  il  est  certain  que  Iesus  Christ  l'entend  de  tous  ceux  qui  font  comme  un  complot:  Or  c'a  que  vous  soyez  prisez  de  nous,  et  que  vous  nous  espargnez  aussi.