46:823  823  HARMONIE  EVANGELIQUE.  824  s'esiouissent.  Iob  disoit  au  milieu  de  ses  afflictions,  Si  nous  avons  receu  les  biens  de  la  main  de  Dieu,  pourquoy  est-ce  que  nous  n'en  receverons  aussi  bien  les  maux?  .Ce  que  Iob  disoit  alors,  il  est  certain  qu'il  l'avoit  medite  de  longue  main,  et  avoit  garde  ce  thresor-la  pour  le  produire  en  temps  et  en  lieu.  Que  faut-il  donc?  Encores  que  Dieu  nous  espargne,  et  qu'il  nous  donne  de  quoy  nous  esiouir,  toutesfois  que  nous  pensions  a  cela,  que  s'il  nous  fait  du  bien,  il  faut  que  nous  soyons  prests  de  recevoir  aussi  le  mal  de  sa  main:  et  non  point  a  regret  ni  par  force,  mais  d'esprit  docile  et  debonnaire,  pour  nous  conformer  a,  sa  volonte  en  tout  et  par  tout.  Car  il  faut  qu'il  nous  gouverne,  non  pas  a  nostre  appetit,  mais  selon  qu'il  cognoist  nous  estre  propre  et  expedient.  Et  en  ceci  nous  avons  de  quoy  nous  esiouir,  que  le  tout  nous  sera  tousiours  converti  a  salut.  Voyla  donc  ce  que  nous  avons  a  retenir  sur  ce  passage,  quand  nostre  Seigneur  Iesus  Christ  maudit,  et  les  riches,  et  ceux  qui  s'esgayent,  et  ceux  qui  sont  soulez.  Ainsi  que  nous  apprenions  de  tellement  user  des  biens  que  nous  avons  en  main,  que  ce  ne  soit  point  pour  nous  souler'en  ce  monde,  c'est  a��  dire  pour  y  estre  comme  abrutis.  Que  si  nous  avons  de  quoy,  que  nous  scaehions  qu'il  ne  nous  faut  pas  neantmoins  estre  ensevelis,  ni  en  or,  ni  en  argent,  ni  en  champs,  ni  en  prez,  comme  ceux  qui  pensent  que  ce  soit  leur  dernier  but  d'avoir  tout  a  souhait.  Il  est  certain  que  tels  sont  desia  comme  trespassez:  car  ils  s'ensevelissent  d'eux  mesmes  en  ces  biens  caduques,  tellement  qu'ils  ne  peuvent  regarder  au  ciel.  Que  donc  nous  pensions  a  nous,  et  que  nous-nous  gardions  bien  d'estre  maudits  de  la  bouche  du  Fils  de  Dieu,  mais  que  nous  attendions  de  luy  toute  benediction  et  toute  nostre  vie,  afin  de  ne  point  venir  a  ce  mal'heur  qui  est  yci  prononce.  Et  que  nous  apprenions  par  cela,  de  passer  par  ce  monde,  en  sorte  que  nous  y  soyons  comme  estrangers:  et  que  celuy  qui  possede  (comme  dit  S.  Paul)  soit  comme  s'il  n'avoit  rien,  II  est  vray  que  ceux  qui  ont  de  quoy  pour  faire  grand  chere,  ont  aussi  de  plus  grandes  tentations,  ausquelles  ils  pourroyent  succomber:  et  pourtant  qu'ils  apprenent  de  recourir  a  Dieu,  et  que  tout  ce  qu'il  leur  donne  soit  pour  les  attirer  de  plus  en  plus  a  luy:  pour  les  enflammer  en  son  amour,  et  les  inciter  a  luy  obeir:  et  qu'ils  n'ayent  point  de  tels  allechemens  des  biens  qui  leur  sont  donnez,  qu'ils  en  soyent  du  tout  adonnez  au  monde.  Voyla  donc  comme  au  milieu  de  toute  nostre  abondance  il  ne  nous  faut  point  souler,  tellement  que  ce  soit  pour  nous  estrangler,  et  que  ceste  malediction  soit  sur  nous,  -Mal'heur  sur  vous  qui  estes  soulez:  mais  cognoissons  qu'il  nous  faut  estre  rassasiez  d'une  autre  facon:  c'est  ascavoir  en  contem-