8:822  Sabellii,  Photini,  Manichaei,  Pelagii  et  caeterorum  :  et  quod  in  pluribus,  iisque  diversis  impugnatum  est  a  melioris  notae  ecclesiae  Doctoribus  Patribusque,  id  ab  hoc  uno  ore  impudentissimo  atque  blasphemo  evomitur,  ut  vere  illi  Christus  signum  sit  contradictionis;  cui  nec  essentiam  divinitatis,  neque  hypostasin,  nec  carnis  nostrae  veritatem,  neque  animam  humanam  relinquat,  iungenda  in  sacrosancta  hac  persona  discerpat,  et  distincta  confundat,  redemptionis  virtutem  enervet:  praeter  alios  profanos  errores  complurimos,2)  atque  deliria  omnia  ut  vestri  pastores,  confratresque  nostri  inquiunt,  a  verbo  Dei  et  orthodoxae  ecclesiae  consensu  aliena.  Atque  haec  quidem  tanta  confidentia,  praesumptione,  et  obstinatia,  2)  ut  appareat  illud  sapientis  in  eo  verum,  Impius  cum  in  profundum  venerit,  contemnit:  et  illud  item:  Stultum3)  si  contuderis  pistillo  in  mortario,  non  recedet  ab  eo  stultitia  eius.  Nam  neque  captivitate  humiliatur  ad  modestiam,  neque  tam  luculentis,  veris  et  evidentibus  fratrum  nostrorum  institutionibus,  quibus  errorum  luce  clarius  convincitur,  vel  cedit,  vel  acquiescit:  sed  serpentis  instar  incitati,  maledicos,  atque  contumeliosos  in  Calvinum  sincerissimum  Dei  servum,  et  blasphemos  in  Dominum  subinde  sibilos  edit,  et  lubricus  nonnumquani  elabiconatur.  In  hoc  enim  Deum  unum,  eumque  simplicem  inculcat  toties,  quasi  trium  hypostaseon  vera  diversitas  naturae  simplicitati  ullo  modo  repugnet:  atque  insaniat  proinde  ecclesia,  Trinitatem  in  unitate,  et  unitatem  in  Trinitate  venerandam  commendans.  Sicut  et  Christo  Dei  Filio  multa  cum  prae  se  ferat  tribuere,  manifeste  tamen  duabus  naturis  constantem  personam  negat,  quae  iuxta  illam  quidem  ab  aeterno  et  ante  secula  nedum  ante  incarnationem  a  Patre  genitum  (Scriptura  testatur)4)  ut  cuius  egressus  a  diebus  aeternitatis  est,  et  per  quem  facta  sunt  secula,  gignentis  naturam  per  omnia  referat:  iuxta  hanc  vero  in  seculo  natum,  carnem  de  carne  nostra,  ex  substantia  virginis,  per  omnia  fratribus  similem.  Hoc  ergo  veritatis  pede  pressus,  quantumlibet  subdolus,  vaferque  tenetur.  Meminimus  vero  nos  ante  annos  viginti  tres  in  hac  civitate  domino  Oecolampadio  praestantissimo  huius  ecclesiae  praesidi  negotium  ab  hoc  ipso  homine  exhibitum  esse,6)  et  verbis  scriptisque  serio  interpellatum,  nihilo  factum  emendatiorem:  ut  iam  tum  vir  Dei  sagacissimus  sententiam  tulerit,  daturum  religioni  christianae  grave  dispendium,  nisi  manu  Domini  frangeretur.  Quae  cum  ita  sint,  viri  praestantissimi,  primum  omnium  merito  gratias  Deo  aeterno  patri  Iesu  Christi  agitis.  1)  Ibid.  quam  plurimos.  2)  Ibid.  pertinacia.  3)  Ibid.  Stultum,  manque.  4)  Ibid.  testante.  5)  Ibid.  ipso  et  esse  manquent.  52*