46:822  soit  du  tout  vuide:  car  autrement  il  seroit  hypocrite.  S'ils  sont  riches,  s'ils  ont  sante  corporelle,  et  mesmes  (comme  i'ay  dit)  qu'ils  soyent  douez  de  quelques  dons  excellens  du  sainct  Esprit,  ils  recognoistront  les  graces  de  Dieu  en  tout  cela,  et  s'y  esiouiront,  et  luy  en  rendront  louange.  Voyla  donc  comme  les  fideles  useront  de  tous  les  biens  de  la  vie  presente.  Mais  cependant  si  auiourd'huy  ils  sont  a  leur  aise,  ils  s'apprestent  a  souffrir  demain,  quand  il  plaira  a  Dieu  de  les  y  appeller:  et  s'il  luy  plaist  de  les  despouiller  des  biens  qu'il  leur  a  donnez,  ils  sont  prests  aussi  de  les  luy  resigner,  et  remettre  entre  ses  mains,  scachans  bien  que  c'estoit  a  ceste  condition  qu'ils  les  possedoyent,  de  les  quitter  quand  il  luy  plairoit.  L'homme  fidele  donc  cognoistra,  Et  bien,  auiourd'huy  riche,  demain  povre.  Quand  il  plaira  a,  Dieu  de  faire  un  tel  changement  en  moy,  qu'au  lieu  d'estre  a  mon  aise  il  me  sale  souffrir  beaucoup:  et  au  lieu  de  rire,  qu'il  me  sale  plorer,  ce  m'est  assez  que  cependant  ie  ne  laisseray  point  d'estre  de  ses  enfans:  et  de  son  coste,  il  m'a  promis  qu'il  m'avouora  tousiours  pour  tel,  ie  m'y  si  eray  donc.  Voyla  (di-ie)  comme  les  fideles  en  feront,  et  puis  ils  garderont  tousiours  sobriete:  ils  retrancheront  de  leurs  morceaux.  Et  se  retiendront,  et  penseront,  Encores  que  ie  me  peusse  eslever  en  ambition  et  hautesse,  que  ie  peusse  estre  tout  confit  en  mes  delices,  si  faut-il  que  ie  pense  plus  haut,  et  que  ie  scache  que  tous  les  biens  que  Dieu  me  distribue  en  ce  monde,  c'est  pour  me  faire  le  chemin  pour  tendre  a  luy,  et  estre  comme  une  eschelle  pour  nous  faire  monter  en  haut,  et  non  pas  pour  estre  comme  un  sepulchre  pour  m'ensevelir  yci  bas.  Voyla  donc  comme  les  fideles  ne  riront  pas  d'une  facon  brutale,  et  ne  s'arresteront  pas  a  la  felicite  caduque  qui  leur  est  donnee:  et  puis  ils  ne  s'esiouiront  pas  aussi  quand  le  monde  leur  applaudira,  comme  s'ils  avoyent  leur  loyer  yci  bas,  et  comme  s'ils  estoyent  desia  recompensez  de  la  bonne  vie  qu'ils  ont  menee:  mais  il$'  seront  prests  de  cheminer,  tant  par  bonne  renommee  comme  par  infamie.  C'est  (di-ie)  la  mesure*  et  le  moyen  que  tienent  les  fideles,  ascavoir  que  quand  ils  seront  a  leur  aise,  si  est-ce  qu'ils  ne  s'^r  endormiront  point  :  et  de  s'y  eny  vrer,  encores  moins  :  et  puis  ils  seront  tousiours  prests  a  tout  quitter,  quand  il  plaira  a  Dieu.  Or  au  contraire  les  incredules  s'enyvrent  du  premier  coup  en  leurs  aises,  ils  en  sont  du  tout  crevez,  et  sont  tellement  stupides  qu'il  n'est  point  question  de  penser  a,  Dieu  rii1  a  la  vie  spirituelle.  Et  puis  ils  s'endurcissent,  et  s'il  leur  advient  quelque  adversite,  c'est  a  grincei  les  dents,  et  a  blasphemer  a  l'encontre  de  Dieu.  Nous  voyons  donc  comment  et  en  quel  seus  nostre  Seigneur  Iesus  Christ  maudit  yci  les  riches,'  et  ceux  qui  sont  soulez,  ceux  qui  rient,  et  quiT  52*