46:821  821  SERMON  LXV.  822  plus  de  bien  cent  fois  qu'il  ne  nous  est  commande  (si  possible  estoit)  que  nous  ne  devons  pas  pour  cela  estimer  que  nous  ayons  fait  rien  davantage:  mais  recognoissons  que  nous  devons  tout  a  Dieu.  Et  puis  que  nous  luy  sommes  redevables  en  tout  et  par  tout,  en  quoy  est-ce  qu'il  nous  peut  estre  oblige?  Nous  peut-il  rien  devoir  de  son  coste?  D'avantage,  cognoissons  que  quand  encores  nous  tendrons  au  bien,  ce  sera  tousiours  en  clochant,  au  lieu  de  courir:  il  y  aura  beaucoup  d'imperfections  et  de  povretez:  et  il  n'y  a  celuy  qui  ne  cognoisse  cela  en  soy,  moyennant  qu'il  se  iuge  sans  hypocrisie.  La  dessus  cognoissons  que  toutes  nos  oeuvres  ne  seroyent  que  malediction  devant  Dieu,  sinon  qu'il  les  acceptast  par  sa  bonte  infinie,  voire  d'autant  que  nous  sommes  disciples  de  nostre  Seigneur  Iesus  Christ,  et  que  nous  avons  tout  nostre  repos  en  luy.  Voyla  donc  comme  il  nous  faut  faire  nostre  profit  de  ceste  doctrine.  Car  quand  nous  sommes  yci  attirez  au  ciel,  c'est  afin  qu'il  ne  nous  couste  pas  beaucoup  de  marcher  parmi  les  espines,  de  sauter  par  dessus  les  fossez,  et  de  grimper  mesmes  par  dessus  les  rochers  et  montagnes  quand  il  en  est  besoin  :  et  ainsi  que  rien  ne  nous  destourne,  que  nous  ne  tendions  et  aspirions  a  nostre  but.  Or  on  pourroit  yci  demander,  s'il  n'est  point  licite  aux  enfans  de  Dieu,  d'estre  riches,  et  d'user  des  biens  que  Dieu  leur  a  eslargis,  et  de  s'y  resiouir.  Car  il  est  dit,  Malheur  sur  vous  qui  riez:  Malheur  sur  vous  riches:  et  mesmes,  Malheur  sur  vous  quand  on  parlera  bien  de  vous.  Et  comment?  Il  ne  sera  point  donc  licite  de  bien  vivre  et  vertueusement,  en  sorte  qu'on  parle  bien  de  nous:  et  de  faict,  ii  nous  faut  procurer  le  bien  devant  les  hommes  (comme  dit  S.  Paul)  et  faut  que  nous  facions  en  sorte  que  les  meschans  mesmes  ayent  la  bouche  close  (comme  il  est  dit  en  l'autre  passage)  et  qu'ils  soyent  contraints  de  glorifier  Dieu,  quand  ils  verront  que  nous  cheminerons  en  sa  crainte.  Ceci  donc  pourroit  estre  trouve  dur  et  estrange,  que  les  riches  de  ce  monde  sont  maudits,  et  ceux  qui  ont  quelque  repos,  et  qui  s'esiouissent  :  mais  Iesus  Christ  a  yci  regarde  l'affection  de  ceux  qui  oublient  le  Royaume  celeste,  quand  ils  se  trouvent  bien  en  ce  monde,  et  qui  y  sont  du  tout  hebetez  et  abrutis.  Pour  mieux  comprendre  cela,  regardons  comme  les  fideles  se  portent  en  leurs  aises.  Il  est  vray  que  si  Dieu  leur  envoye  prosperite  et  repos,  ils  rapporteront  le  tout  a  sa  louange:  car  ils  useront  sobrement  de  ce  qui  leur  est  donne,  voire  a  telle  fin  que  tousiours  ils  tascheront  de  bien  vivre.  Et  bien,  ils  ne  voudront  pas  que  ces  biens-la  soyent  perdus:  mais  il  les  recognoissent  comme  benedictions  de  Dieu.  Apres,  si  un  homme  ha  quelque  don  excellent  de  l'Esprit  de  Dieu,  il  ne  dira  pas  qu'il  en