9:820  Videte  vero  vos  etiam,  qui  vobis  episcoporum  et  pastorum  nomen  apud  miseram  plebem  tribuere  soletis,  videte  etiam  atque  etiam  ne  Christi  Iesu  oves  suo  illo  pabulo  destituantur,  neve  hinc  arceantur,  prohibeantur,  aut  ratione  ulla  impediantur  Christiani  ulli,  quin  liberum  sit  sua  singulis  lingua  legere,  reverenter  tractare,  audire,  intelligere  hoc  sanctum  evangelium,  quando  ita  vult  Deus,  praecipitque  ipse  Iesus  Christus.  Ideo  enim  per  universum  terrarum  orbem  misit  suos  apostolos  et  servos,  singulari  etiam  et  mirifica  liberalitate  omnium  linguarum,  facultate  eos  instruens,  divinoque  dono  ornans,  ut  omnibus  linguis  ac  omni  creaturae  evangelizarent,  voluitque  debitores  esse  Graecis  et  barbaris,  tum  sapientibus  tum  insipientibus,  ne  quis  ab  eorum  doctrinae  perceptione  excluderetur.  Enimvero  si  vere  estis  tantorum  virorum  vicarii  successores  et  imitatores,  vobis  haec  cura  incumbit,  ut,  quemadmodum  illi  exemplo  praeierunt,  sic  et  ipsi