46:820  Voyla  donc  comme  sous  ombre  de  ce  mot  de  Loyer,  les  Papistes  viendront  non  seulement  obscurcir  la  grace  de  nostre  Seigneur  Iesus  Christ,  mais  aussi  l'aneantir  s'il  leur  estoit  possible.  Or  de  nostre  coste,  scachons  que  nostre  Seigneur  Iesus  Christ  n'est  point  yci  venu  pour  nous  enfler  d'orgueil  et  de  presomption,  qu'il  n'a  pas  voulu  que  nous  fussions  comme  autheurs  de  nostre  salut,  ayans  ceste  fausse  persuasion,  que  si  nous  commettons  des  fautes,  nous  avons  le  moyen  de  les  recompenser.  Car  il  nous  monstre  assez  en  beaucoup  d'autres  passages,  que  c'est  en  luy  seul  -qu'il  nous  faut  chercher  tout  cela,  et  que  c'est  en  la  bonte  gratuite  de  Dieu  son  Pere  que  nos  oeuvres  mesmes  vienent  en  comte:  et  ce  que  Dieu  les  trouve  bonnes  (car  elles  sont  vicieuses  d'elles-mesmes  et  meritent  d'estre  reiettees)  c'est  de  sa  pure  grace  et  liberalite,  et  de  l'amour  paternelle  qu'il  nous  porte.  Ainsi  donc  nostre  Seigneur  Iesus  Christ  ne  nous  a  pas  voulu  yci  mettre  en  dispute  de  la  cause  de  nostre  salut,  pour  scavoir  quelle  valeur  il  y  a  en  tous  les  services  que  nous  ferons  a  Dieu  son  Pere  :  mais  il  nous  a  voulu  monstrer  que  s'il  semble  que  ce  soit  temps  perdu  de  nous  employer  a  bien  faire,  veu  que  d'autant  plus  que  nous  chercherons  de  nous  conformer  a  la  volonte  de  Dieu  son  Pere,  nous  serons  hays  du  monde,  nous  serons  reiettez,  et  mesmes  persecutez:  ces  tentations-la  ne  nous  doyvent  point  empescher  que  nous  ne  poursuyvons  nostre  course.  Et  pourquoy?  Car  cependant  que  nous  vivrons  yci  bas,  il  nous  faut  servir  a  Dieu  par  beaucoup  de  combats.  Et  ou  est  nostre  victoire?  Au  ciel,  regardons  la  donc.  Et  ainsi  pensons,  non  point  a  meriter,  mais  seulement  a  cheminer  en  perseverance  au  service  de  Dieu:  car  nous  avons  le  loyer  qui  nous  a  este  acquis  par  nostre  Seigneur  Iesus  Christ,  et  que  nous  obtenons  par  le  merite  de  sa  mort  et  passion,  qui  ne  nous  peut  faillir.  Et  que  nous  despitions  hardiment  toutes  ces  canailles  de  la  Papaute,  qui  parleront  assez  de  merites,  mais  c'est  en  se  mocquant  de  Dieu  :  car  en  desgorgeant  leurs  merites,  il  semble  qu'ils  soyent  prests  de  faire  merveilles:  et  a  les  ouir,  on  diroit  qu'il  n'y  a  que  feu  et  zele  en  eux,  cependant  il  n'y  a  celuy  qui  voulust  mettre  le  bout  du  doigt  pour  rien  souffrir.  Qu'ils  soyent  patiens,  il  n'en  est  point  de  question,  mais  au  con��  traire  les  plus  grans  prescheurs  de  merites  de  ces  bestes,  et  de  ces  Caphards  qui  en  feront  retentir  Pair,  ce  seront  des  vileins  paillards,  les  uns  dissolus  et  prophanes,  les  autres  yvrongnes  et  addonnez  a��  tout  desbauchement  :  brief,  il  n'y  aura  que  toute  vilenie  et  enormite.  Voyla  donc  les  beaux  prescheurs  de  merites  de  la  Papaute,  et  cependant  en  toute  leur  vie  il  n'y  aura  que  despitemens  de  Dieu.  Or  au  contraire,  scachons  que  quand  nous  aurons  faict