8:82  moderator,  nostrum  est,  quamlibet  perplexas  angustias  uno  hoc  Abrahae  dicto  superare  :  Dominus  providebit  (Gen.  22,  8).  Nos  scilicet  de  humana  societate  erimus  solliciti:  Deus  autem  opifex  nullo  eius  studio  tangetur?  Ecclesia  ab  unico  salutis  suae  praeside  et  custode  misere  deserta  in  nostram  providentiam  recumbet?  l)  Nos  vero  excusatione  digni,  si  iniuncto  nobis  munere  obedienter  fungendo  suas  Deo  [pag.  107]  partes  relinquimus.  Ac  quum  David  (Psal.  46,  10)  proprium  eius  esse  opus  pronunciet,  turbulentos  maris  fluctus  componere,  sedare  bella,  frangere  currus  et  lanceas  :  merito  nos  animare  haec  fiducia  debet  ad  eam  doctrinam  asserendam,  quae  nobis  eius  gratiam  et  benedictionem  sola  conciliat.  Quisquis  tamen  demum  conatus  nostros  sequatur  eventus,  nunquam  erit  cur  nos  obsequium  Deo  praestitisse  et  pium  et  gratum  poeniteat:  et  quod  moerorem  nostrum  vel  in  maximis  cladibus  solari  poterit,  nos  et  Christi  gloriae,  quae  omnibus  mundi  regnis  potior,  et  animarum  saluti,  quae  toto  mundo  pretiosior  est,  fideliter  serviisse.  Postquam  scandala,  quae  plurimum  hoc  tempore  nocere  experimur,  generatim  recensui:  nunc  breviter  monendi  sunt  rursum  filii  Dei  omnes,  ut  ostensis  a  me  remediis  instructi  Christum  potius  pro  fundamento  retineant,  quam  temerario  pravoque  incursu  sibi  faciant  lapidem  offensionis  et  petram  scandali.  Quin  multa  scandala  subinde  ingerantur  fidelibus  in  hoc  mundo,  fieri  non  potest,  a  quibus  ne  Christus  quidem  immunis  fuit.  Imo  vix  sperandum  est,  ut  passum  unum  conficiant,  quin  scandalum  aliquod  obiiciat  Satan.  Ita  per  innumera  scandala  ambulandum  ipsis  est.  Sed  quantumvis  multiplex  sit  varietas  et  densa  congeries,  nemo  tamen  erit  Christianus,  nisi  qui  superior  evadet.  Petrum  Christus  ipse  sibi  scandalum  esse  dicit,  quum  a  subeunda  morte  eum  revocare  tentat.  Sed  an  impeditus  scandalo  gradum  refert?  Quin  potius  Satanam  in  Petro  animadvertens,  facessere  alio  iubet  (Matth.  16,  23).  Ut  commune  nobis  cum  ipso  fore  certamen  sciamus,  in  genere  pronunciat,  necesse  esse  ut  veniant  scandala  (Matth.  18,  7).  Sed  quemadmodum  suos  pronunciat  nunquam  fore  scandalo  rum  immunes,  ita  nullam  scandali  causam  excusat,  [pag.  108]  Quum  enim  iubet  oculum  dextrum  erui,  si  quem  forte  scandalizet  (Marc.  9,  47),  nihil  tanti  esse  admonet,  cuius  respectu  nos  a  scopo  tantillum  deduci  oporteat.  Si  ad  cavenda  scandala  tam  essemus  seduli,  ut  ne  propriis  quidem  oculis  quisquam  nostrum  parceret:  nihil  opus  fuisset,  me  in  amoliendis  scandalis  tantum  operae  insumere.  Arduum  fateor,  et  supra  vires  nostras  certamen,  sed  non  1)  Add.  On  voit  en  cela  quelle  est  1'outrecuidance  des  hommes  quand  ils  ne  se  contentent  point  de  leur  mesure.  6