7:82  du  regne  spirituel  de  Iesus  Christ,  et  pourtant  qu'il  n'a  dure  que  iusque  a  sa  venue.  Ie  leur  confesse  bien,  qu'en  partie  il  a  este  figure:  mais  qu'il  n'ait  este  autre  chose,  ie  leur  nye:  et  non  pas  sans  raison.  Car,  ce  a  este  de  soy-mesme  un  gouvernement  politique,  comme  il  est  requis  qu'il  y  en  ayt  en  tous  peuples.  Qu'ainsi  soit:  il  est  dict  de  la  prestrise  Levitique,  qu'elle  devoit  prendre  fin,  et  estre  abolie  a  l'advenement  de  nostre  Seigneur  Iesus  (Hebr  7,  12  ss.).  Ou  est-ce  que  cela  est  dit  de  la  police  externe?  Il  est  [page  68]  vray,  que  le  sceptre  et  le  gouvernement  devoit  estre  oste  de  la  lignee  de  Iuda,  et  de  la  maison  de  David:  mais  qu'il  n'y  deust  plus  avoir  gouvernement  aucun,  cela  est  manifestement  contre  l'escriture.  Mais  pour  ne  laisser  nul  scrupule  de  cela,  nous  avons  bien  une  probation  encor  plus  evidente  et  expresse.  Car  quand  il  est  parle  du  regne  de  Iesus  Christ  par  les  Prophetes,  il  est  dict  que  lea  Roys  viendront  pour  l'adorer  et  luy  faire  hommage.  Il  n'est  pas  dict  qu'ilz  se  deposeront  de  leur  estat  pour  estre  Chrestiens:  mais  plustost  qu'estans  constituez  en  dignite  Royale,  ilz  seront  subiectz  a  Iesus  Christ,  comme  a  leur  Seigneur  souverain.  Suyvant  cela,  David  les  exhortant  de  faire  leur  devoir  (Ps.  2,  12),  ne  leur  commande  pas  de  ietter  leurs  diademes  ou  leurs  sceptres  bas,  mais  seulement  de  baiser  le  filz:  c'est  a  dire  de  luy  faire  hommage,  pour  luy  estre  subiectz,  en  dominant  our  les  autres.  Une  foys  *)  il  parle  du  regne  de  nostre  Seigneur  Iesus.  Il  admoneste  tous  Roys  et  superieurs  d'estre  sages,  et  de  penser  bien  a  eux.  Quelle  est  ceste  sagesse?  Quelle  lecon  est-ce  qu'il  leur  baille?  De  placquer  tout?2)  Nenny,  mais  de  craindre  Dieu,  et  donner  honneur  a  son  Filz.  Qui  plus  est:  Isaie  prophetise,  que  les  Roys  [page  69]  seront  comme  peres  nourriciers  de  l'Eglise  Chrestienne,  et  que  lesRoynes  Paleteront  de  leurs  mammelles  (Es.  49,  23).  Ie  vous  prie,  comment  s'accorde  il,  que  les  Roys  seront  protecteurs  de  l'Eglise  Chrestienne,  et  que  leur  estat  ne  puisse  consister  avec  la  Chrestiente?  Si  nostre  Seigneur  leur  donnoit  seulement  lieu  entre  son  peuple,  comme  il  a  faict  aux  Prophetes  precedentz,  il  suffira  desia  pour  approuver  nostre  intention.  Maintenant  qu'il  leur  assigne  un  lieu  tant  honnorable  en  la  compagnie  de  son  peuple;  qu'il  leur  faict,  dy-ie,  cest  honneur,  que  de  les  ordonner  protecteurs  de  son  Eglise,  quelle  impudence  est-ce  de  les  en  exclurre  du  tout?  Concluons  donc,  que  les  Princes  servans  a  Dieu  peuvent  bien  estre  Chrestiens,  veu  que  nostre  Seigneur  leur  donne  une  telle  preeminence  en  la  Chrestiente.  1)  Certum  est.  2)  ut  abiiciant  omnia?