58:82  retrenche  et  banni  du  Royaume  de  Dieu,  toutefois  il  n'est  point  esmeu  de  cela.  Or  ce  que  i'ay  touche  n'a  guere,  nous  est  encore  mieux  exprime  :  c'est  que  d'un  mal  on  tombe  tousiours  en  l'autre  :  et  quand  le  diable  nous  attrape  en  ses  filez,  il  nous  y  enveloppe  tellement,  que  nous  n'en  pouvons  iamais  sortir.  Mais  il  nous  faut  recueillir  une  doctrine  generale  de  ceste  histoire:  C'est  que  nous  pensions  tousiours  a  ce  qui  nous  est  dit  par  nostre  Seigneur  Iesus  Christ,  Que  nous  cerchions  en  premier  lieu  le  Royaume  de  Dieu  :  et  que  le  reste  nous  sera  adiouste.  Or  quand  il  parle  du  Royaume  de  Dieu,  ce  n'est  pas  seulement  de  la  vie  eternelle  :  mais  elle  y  est  comprise.  Car  le  Royaume  de  Dieu,  c'est  que  Dieu  soit  glorifie  en  nous,  qu'il  soit  servi  et  adore,  que  nous  lui  soions  peuple,  comme  il  nous  sanctifie  aussi  mutuellement  :  ainsi  qu'il  en  est  parle  par  son  Prophete  Isaie,  Sanctifiez  le  Seigneur  des  armees,  et  il  vous  sanctifiera,  et  sera  vostre  forteresse.  Quand  donc  nous  cercherons  que  Dieu  soit  honore,  que  nous  mettions  peine  de  nous  dedier  a  lui,  et  estre  comme  sacrifices  vivans:  alors  le  reste  nous  sera  adiouste:  c'est  a  dire,  (comme  saint  Paul  le  remonstre)  que  Dieu  se  monstrera  Pere  de  nos  corps,  aussi  bien  que  de  nos  ames.  Car  il  dit  a  Timothee,  Que  si  nous  cheminons  en  la  crainte  de  Dieu,  pensans  plus  au  ciel  qu'en  la  terre,  nous  aurons  les  promesses  (quoy  qu'il  en  soit)  de  ceste  vie  presente,  aussi  bien  que  de  la  vie  avenir.  Il  est  vray  que  les  promesses  de  la  vie  presente  sont  accessoires,  ce  n'est  que  la  queue  et  la  dependance:  mais  tant  y  a  que  si  nous  sommes  appuyez  sur  la  bonte  de  Dieu,  et  que  nous  tendions  la  ou  il  nous  appelle,  c'est  assavoir  au  salut  qu'il  nous  a  acquis  si  cherement  par  nostre  Seigneur  Iesus  Christ  :  Dieu  sera  Pere  non  seulement  de  nos  ames,  mais  aussi  de  nos  corps.  Nous  sommes  tout  asseurez  de  cela,  et  en  devons  estre  resolus.  Or  maintenant  (quoy  qu'il  en  soit)  si  nous  faut-il  apprester  de  renoncer  a  ceste  vie  presente,  et  a  toutes  les  commoditez  qui  y  sont.  S'il  nous  faut  renoncer  a  nostre  vie,  par  plus  forte  raison  au  vivre.  Nous  ne  pouvons  pas  demeurer  ici  sans  boire  et  sans  manger:  mais  si  faut-il  que  nous  soions  prests  d'avoir  et  faim  et  soif,  plustost  que  d'estre  destournez  de  nostre  vocation:  et  non  seulement  cela,  mais  quand  il  seroit  question  de  mourir,  si  faut-il  que  nous  offrions  nos  vies  a  Dieu,  que  nous  lui  en  facions  hommage,  et  que  nous  aimions  mieux  tousiours  une  mort  qui  soit  precieuse  et  benite  devant  lui,  que  toutes  les  vies  qu'on  pourroit  imaginer  en  ce  monde,  lesquelles  il  maudira.  Voila  donc  une  regle  qui  est  donnee  a  tous  Chrestiens,  et  en  quoy  ils  ont  approbation,  s'ils  sont  vrais  enfans  de  Dieu:  c'est  quand  le  monde  ne  les  empesche  point  de  servir  a  Dieu,  et  de  marcher  tousiours  par  le  chemin  qui  leur  est  monstre  par  6