54:82  renom  par  leurs  meschancetez.  Or  ceux-la  ne  sont  que  canailles,  et  ne  sont  pas  dignes  d'estre  mis  entre  les  vachiers:  tant  y  a  qu'ils  voudront  estre  tenus  pour  pasteurs  d'Eglise:  et  encores  ne  se  contentent  point  de  cela,  ils  ne  demandent  qu'a  renverser  tout  ce  qui  sera  de  bien.  Or  telles  gens  seroyent  bien  aises  qu'on  les  nommast,  et  ne  fustce  que  pour  leur  honte  et  leur  vilenie.  Or  il  faut  laisser  telles  ordures,  et  ne  point  remuer  leur  puantise:  mais  quoy  qu'il  en  soit,  quand  nous  verrons  qu'ils  pourroyent  apporter  dommage  par  faute  d'estre  cognus,  qu'on  les  marque  au  doigt,  et  que  nous  n'oyons  point  ces  beaux  propos,  Ho,  voire:  mais  faut-il  mettre  un  homme  en  desespoir?  Et  pourquoy  est-ce  qu'il  se  precipite  ainsi  pour  faire  guerre  ouverte  a  Iesus  Christ,  et  pour  ruiner  tout  ce  qui  aura  este  fait  en  son  nom?  Et  pourtant  ne  soyons  point  plus  sages  que  le  sainct  Esprit.  O'est  encores  ce  que  nous  avons  a  retenir  de  ceste  sentence  de  sainct  Paul.  Or  cependant  il  met  ici  un  homme  a  l'opposite:  quand  il  a  parle  de  tous  ceux  d'Asie,  et  que  notamment  il  en  a  marque  deux  qui  estoyent  les  plus  renommez  apostats,  il  dit,  Onesipbore  a  bien  tenu  un  autre  chemin,  et  Dieu  luy  doint  de  trouver  misericorde,  et  luy  et  toute  sa  maison:  voire  qu'il  luy  donne  misericorde  envers  le  Seigneur  en  ceste  iournee-la.  Yci  sainct  Paul  nous  monstre  quelle  comparaison  nous  devons  faire  entre  les  hommes.  Car  si  nous  voyons  un  homme  qui  nous  desbauche,  il  nous  suffit:  si  nous  en  voyons  cent  qui  nous  conduisent  bien,  nous  sommes  si  stupides  que  nous  ne  pouvons  marcher  apres  eux.  Et  ne  faut-il  pas  que  nous  soyons  plus  que  pervers?  Quand  Dieu  nous  propose  un  bon  exemple,  c'est  autant  comme  s'il  nous  envoyoit  une  guide  pour  dire,  Ie  ne  veux  point  que  vous  erriez:  le  monde  est  plein  de  tenebres,  il  y  a  beaucoup  de  chemins  tort  us:  afin  donc  que  vous  suyviez  droitement  ou  vous  estes  appelez,  ie  vous  conduiray.  Et  cela  se  fait  quand  nous  avons  un  homme  qui  tasche  de  nous  mener  a  Dieu.  Cela  ne  nous  doit-il  pas  profiter  plus  que  s'il  y  en  avoit  cent  qui  nous  attirassent  en  toute  meschancete?  Or  si  au  contraire  il  nous  est  dit  qu'il  n'y  en  a  qu'un  seul  qui  va  mal,  et  que  nous  taschions  de  ressembler  a  luy,  delaissans  tout  un  peuple  qui  nous  monstrera  bon  exemple,  nous  serons  plus  qu'inexcusables,  attendu  ce  qui  nous  est  ici  dit  et  propose  par  sainct  Paul.  Car  d'un  coste  il  a  mis  tout  le  pays  d'Asie:  voila  une  revolte  espovantable:  car  ce  n'est  point  seulement  d'une  poignee  de  gens,  mais  de  beaucoup  de  peuples:  il  y  avoit  des  villes  notables  et  fort  renommees,  il  y  avoit  des  gens  beaucoup,  l'Evangile  estoit  la  plante,  et  neantmoins  tous  se  separent  de  sainct  Paul.  Sur  cela  il  dit,  Ne  vous  estonnez  point,  mes  amis,  quand  vous  verrez  une  si  grosse  armee  de  gens  :  car  Dieu  ce-  6  82