51:82  des  garents  qui  se  mettent  audevant  pour  s'opposer  envers  Dieu,  que  nous  ne  luy  facions  manifestement  la  guerre.  Bref,  quand  chacun  de  nous  regardera  qu'il  est  charge  tant  et  plus  de  ses  fautes,  il  aura  occasion  de  s'humilier:  car  il  n'y  a  celuy  qui  ne  soit  abatu  pleinement,  quand  Dieu  voudra  entrer  en  conte  avec  luy,  voire  exercant  sa  rigueur:  que  les  plus  iustes  trouveront  encores  a  reprendre  en  eux,  tellement  qu'ils  demoureront  la  confus.  En  cognoissant  cela,  que  nous  attribuons  a  Dieu  toute  louange,  souffrans  d'estre  gouvernez  par  luy.  Et  que  nous  revenions  a  ce  que  sainct  Paul  nous  a  propose  ci  dessus,  c'est  a  scavoir  de  ne  point  nous  decevoir  a  nostre  escient  quand  il  sera  question  d'avoir  grande  hardiesse  pour  corriger,  pour  reprendre  et  chastier  cestui-ci  ou  cestui-la.  Que  nous  ne  soyons  point  si  fols  de  nous  iustifier  par  comparaison,  pour  ce  qu'il  nous  semblera  que  Dieu  se  doive  contenter  de  ce  que  nous  avons  ainsi  reprins  les  autres,  et  qu'il  y  aura  quelque  apparence  de  vertu  en  nous.  Ne  nous  arrestons  point  a  tout  cela,  comme  il  nous  est  ici  remonstre  :  mais  cependant  notons  aussi  quand  il  est  dit  que  chacun  portera  son  fardeau  que  nous  avons  bon  besoin  de  nostre  Seigneur  Iesus  Christ,  et  qu'il  recoive  toutes  nos  charges  sur  soy:  comme  de  faict  il  a  porte  tous  nos  pechez  en  la  croix,  comme  sainct  Pierre  en  parle  en  sa  premiere  Canonique.  Vray  est  que  l'argument  qui  est  ici  deduit  par  sainct  Paul  n'est  sinon  celuy  que  i'ay  desia  declare,  c'est  a  scavoir  qu'il  ne  faut  pas  que  nous  cuidions  que  les  hommes  nous  puissent  garentir,  d'autant  que  le  plus  iuste  est  desia  empesche  pour  soy.  Et  au  reste  si  nostre  Seigneur  n'avoit  esgard  a  nous  supporter,  que  nous  serions  accablez  du  tout  sous  le  fardeau.  Tant  y  a  qu'il  faut  qu'un  chacun  responde  pour  soy,  et  que  la  parole  de  Dieu  domine,  comme  i'ay  desia  dit.  Yoila  donc  ce  que  sainct  Paul  a  voulu  monstrer.  Mais  au  reste  pensons  un  peu  a  nous.  S'il  faloit  qu'un  chacun  portast  son  fardeau,  qui  sera  celuy  qui  y  pourra  satisfaire?  Il  faut  que  nous  en  soyons  du  tout  abatus:  car  quand  il  n'y  auroit  qu'un  seul  peche,  voila  l'enfer  pour  abysmer  un  homme.  Il  est  certain  que  la  pesanteur  d'un  seul  peche  est  plus  qu'une  pierre,  qui  est  pour  casser  les  membres  et  les  os.  Or  il  n'est  pas  question  ne  d'un  ne  de  cent:  la  multitude  en  est  infinie.  Comment  donc  pourrons  nous  subsister  devant  le  iugement  de  Dieu  quand  il  nous  amenera  la  a  conte?  Qui  est-ce  qui  pourra  dire  qu'il  y  vient  comme  franc  et  quitte?  Bref,  nous  voyons  que  s'il  n'y  avoit  point  de  remede  en  ce  qui  nous  est  ici  declare  par  sainct  Paul,  que  nous  serions  tous  damnez.  Ii  faut  donc  que  nous  venions  a  nostre  Seigneur  Iesus  Christ,  car  c'est  celuy  qui  a  porte  6  81  82