45:82  tomi  habetur,  dicit  quatuordecim  fuisse.  Quod  nihilo  plus  habet  coloris,  nisi  forte  ex  patrum  traditione  fluxerit,  quod  tamen  ipsum  quoque  nihil  firmi  habet.  Caeterum  plus  quam  ridiculi  sunt  papistae,  quod  reges  sibi  fabricarunt,  quia  alibi  (Psal.  72,  10)  praedictum  legebant,  venturos  reges  Tarsis  et  insularum  et  Saba,  qui  munera  Domino  offerrent.  Ingeniosi  artifices  scilicet,  qui,  ut  novam  hominibus  formam  darent,  a  mundi  conversione  coeperunt:  nam  ex  meridie  et  occidente  fecerunt  orientem.  Nec  vero  dubium  est,  quin  iusta  Dei  vindicta  sic  obstupefacti  fuerint,  ut  omnium  ludibrio  pateret  crassa  eorum  inscitia,  quibus  Dei  veritatem  adulterare  et/in  mendacium  vertere  nulla  religio  fuit.  Sed  hic  quaeritur  primum,  an  stella  haec  una  fuerit  ex  earum  numero,  quas  Dominus  in  coeli  ornatuni  initio  creavit:  deinde,  an  huc  astrologiae  ratio/  magos  perduxerit,  ut  inde  Christi  genesin  mente  conciperent.  Etsi  autem  his  de  rebus  non  est/contentiose  rixandum,  tamen  ex  Matthaei  verbis  colligitur,  non  fuisse  naturalem,  sed  extraordinariam,  neque  enim  ex  ordine  naturae  fuit,  quod  disparuit  certis  temporibus,  et  postea  repente  illuxit:  deinde,  quod  recto  cursu  progressa  Bethlehem  versus  tandemque  supra  domum,  in  qua  Christus  erat,  fixa  steterit:  quorum  nihil  convenit  naturalibus  stellis.  Magis  probabile  est  similem  fuisse  cometae,  in  aere  potius  quam  in  coelo  conspectam.  Nihil  autem  absurdi  est,  quod  Matthaeus  populariter  loquens  stellam  improprie  vocat.  Hinc  fere  elicitur  solutio  secundae  quaestionis:  nam  quum  certum  sit,  astrologiam  naturae  finibus  contineri,  non  poterant  solo  eius  ductu  magi  ad  Christum  usque  pervenire.  Arcana  igitur  spiritus  revelatione  iuvari  oportuit.  Neque  tamen  nego,  quin  aliquod  ex  arte  principium  vel  semen  habuerint,  sed  iuvari  necesse  fuisse  dico  nova  et  extraordinaria  revelatione,  ne  evanidum  foret.  2.  Tibi  est  qui  natus  est  rex.  Quod  quidem  interpretes  regem  natum  tacite  opponi  putant  facto  vel  creato,  mihi  videtur  nimis  argutum.  Simplicius  itaque  accipio,  quod  nuper  regem  hunc  natum  esse  et  adhuc  infantulum  significent  magi,  ut  a  rege  adulto  et  populi  gubernacula  tenente  eum  distinguant:  nam  mox  subiiciunt,  non  rerum  eius  gestarum  fama,  vel  praesenti  et  palam  nota  eius  magnitudine  se  fuisse  excitos,  sed  coelos  ti  futuri  regni  praesagio.  Quum  autem  tam  efficax  fuerit  apud  magos  stellae  conspectus,  vae  torpori  nostro,  qui  Christum  regem  nobis  patefactum  tam  frigide  quaerimus.  Venimus  ut  adoremus.  In  hunc  finem  ostensa  fuerat  stella,  ut  magos  eliceret  in  Iudaeam,  ut  testes  essent  ac  praecones  novi  regis.  Quantum  vero  ad  ipsos  spectat,  non  venerant  ad  exhibendum  Christo  pietatis  cultum,  qualis  debetur  filio  Dei,  sed  persico  more  volebant  salutare  quasi  praestan-  6