44:82  gnare:  interea  fuit  eius  collega  ad  biennium  duntaxat.  Nam  Cyaxares  post  captam  Babylonem  diutius  non  vixit.  Iam  ergo  venio  ad  prophetam  nostrum.  Dicit,  Anno  secundo  Darii  sibi  hoc  fuisse  praeceptum  a  Domino  ut  coargueret  ignaviam  populi.  Colligere  promptum  est  fluxisse  ultra  viginti  annos  ex  quo  coeperat  redire  populus  in  patriam.  Alii  ponunt  30.  vel  40.  annos:  alii  etiam  hunc  numerum  excedunt.  Sed  non  videtur  hoc  mihi  probabile.  Quod  autem  dicunt  quidam  reversos  fuisse  Iudaeos  in  patriam  anno  58,  ex  quo  abducti  fuerant,  hoc  falsum  est,  ae  facile  refellitur  tam  Danielis  verbis,  quam  historia  Esrae.  Daniel  enim  9.  capite  dicit  se  divinitus  fuisse  admonitum  de  reditu  populi,  quum  instaret  tempus  praescriptum  a  Ieremia.  Quoniam  autem  hoc  factum  est  non  anno  primo  Darii,  qui  fuit  filius  Hystaspis,  sed  sub  finem  regni  Balsasar  antequam  capta  esset  Babylon:  sequitur  ergo  iam  tunc  impletum  fuisse  exsilii  tempus.  Deinde  initio  historiae  hoc  habetur,  quum  impleti  essent  septuaginta  anni  Deus  excitavit  spiritum  Cyri  regis.  Videmus  ergo  ut  Cyrus  non  permiserit  liberum  reditum  populo,  nisi  quia  iam  transactum  fuerat  tempus  quod  praedixerat  Ieremias  :  sicuti  prius  docuerat  Iesaias,  Cyrum  antequam  nasceretur  delectum  fuisse  ad  hoc  opus:  et  tunc  Deus  coepit  palam  facere  quam  veraciter  loquutus  esset  antequam  populus  ipse  traheretur  in  exsilium.  Quod  si  demus  anno  58  rediisse  populum,  non  constabit  fides  vaticinio.  Proinde  nimis  inconsiderate  loquantur,  qui  putant  reversos  fuisse  in  patriam  Iudaeos  ante  70  annum:  quia  hoc  modo  pervertunt,  sicuti  dixi,  totam  gratiae  Dei  notitiam.  Ergo  quum  70  anni  elapsi  essent  ubi  capta  fuit  Babylon,  et  Cyrus  publico  edicto  permisit  Iudaeis  in  patriam  redire,  Deus  tunc  manum  porrexit  miseris  exsulibus.  Sed  postea  undique  molestia  illis  exhibita  fuit  a  vicinis.  Quidam  praetextu  amicitiae  volebant  sese  illis  coniungere,  ut  scilicet  nullum  esset  nomen  populi  israelitici:  sed  conficerent  nescio  quam  colluviem  ex  multis  gentibus.  Deinde  alii  palam  ipsos  bello  aggressi  sunt  :  et  quum  Cyrus  militaret  in  Scythia,  praefecti  eius  tunc  fuerunt  infesti  Iudaeis:  sic  iniecta  illis  fuit  mora.  Deinde  sequutus  est  Cambyses  acerrimus  hostis  ecclesiae  Dei.  Usque  igitur  ad  Darium  hunc  Hystaspis  filium  non  potuit  progredi  templi  aedificatio.  Darius  autem  Hystaspis  filius  quum  Iudaeis  faveret,  vel  saltem  placatus  esset  erga  ipsos,  cohibuit  omnes  vicinas  gentes,  ne  amplius  moram  iniicerent  templi  aedificationi.  Iussit  ergo  praefectos  suos  ita  tueri  populum  israeliticum,  ut  degeret  in  patria,  et  templum  absolveret,  quod  duntaxat  inchoatum  fuerat.  Et  hinc  colligere  licet  templum  fuisse  aedificatum  annis  quadraginta  sex,  quemadmodum  dicitur  Ioannis  secundo:  quia  iacta  sunt  fundamenta  6