35:82  tion  qu'il  se  veut  monstrer  contraire  aux  hommes,  il  n'y  a  frayeur  si  grande  que  ceste-ci  ne  surmonte.  Voila  donc  a  quel  usage  nous  devons  appliquer  ce  qui  est  ici  dit,  et  comme  une  telle  admonition  nous  doit  servir  avant  la  main:  aussi  quelquesfois  si  nous  sommes  en  tormens,  et  que  Dieu  se  rue  ainsi  contre  nous,  il  faut  que  nous  pratiquions  ce  qui  est  ici  dit:  sachans  que  nous  ne  sommes  pas  des  premiers.  Et  mesmes  voici  un  lieu  memorable,  quand  il  est  dit,  que  Dieu  consume  toute  la  chair,  Dieu  brise  et  casse,  Dieu  engloutit,  Dieu  occit  l'homme.  Et  pourquoi?  Pour  le  vivifier.  Et  ainsi  combien  que  son  ire  nous  soit  terrible,  quand  il  nous  visite  en  rigueur,  et  qu'il  faille  que  nous  experimentions  les  choses  qui  sont  ici  contenues:  si  est-ce  qu'encores  nous  esclaire-il  de  ceste  esperance  de  salut  qui  est  le  seul  moyen  pour  nous  mener  a..  vie.  Ainsi  donc  souffrons  d'estre  comme  engloutis  en  tristesse,  et  d'estre  la  aux  abysmes:  puis  qu'ainsi  est  que  nostre  Dieu  nous  laisse  bonne  esperance,  et  que  nous  voyons  qu'il  ne  commence  point  auiourd'hui  par  nous,  mais  qu'il  a  ainsi  traitte  les  siens  de  tout  temps.  Et  de  fait  nous  voyons  qu'Eliu  n'en  parle  point  sans  cause,  suivant  ce  qui  nous  est  monstre  en  ce  Cantique  de  Moyse  que  i'ai  desia  allegue.  Voila  donc  comme  en  double  sorte  ce  passage  nous  doit  servir:  c'est  quand  nous  sommes  a  repos,  que  nous  prenions  loisir  de  mediter  combien  l'ire  de  Dieu  est  espouvantable,  afin  de  cheminer  en  crainte  et  solicitude,  et  nous  ranger  sous  sa  main.  Pour  le  second,  que  nous  ne  soyons  point  trop  effrayez  quand  Dieu  nous  visitera  ainsi  rudement,  cognoissans  qu'il  en  a  ainsi  use  envers  ceux  desquels  il  a  procure  le  salut.  Il  ne  faut  point  donc  trouver  nouveau  ce  qu'il  fait  en  nous:  mais  apprenons  de  nous  conformer  a  ceux  qui  ont  attendu  que  Dieu  les  resiouyst  pleinement  apres  les  avoir  contristez,  voire  apres  les  avoir  engloutis  d'angoisse.  Or  cependant  notons  aussi  la  longueur,  de  laquelle  parle  ici  Eliu,  que  Dieu  met  en  nos  afflictions  :  car  il  ne  dit  pas  qu'en  un  moment  Dieu  affligera  seulement  un  homme  tellement  qu'il  semble  qu'il  soit  perdu,  et  que  tantost  apres  il  le  releve.  Non:  mais  au  contraire  quand  Dieu  aura  mis  sa  main  sur  ceux  qu'il  veut  affliger,  il  Pappesantist  de  plus  en  plus:  tellement  que  si  auiourd'hui  une  pauvre  creature  est  bien  tormentee,  demain  ce  sera  au  double,  et  puis  en  augmentant:  en  sorte  qu'il  n'y  aura  ne  fin  ne  mesure  (ce  semble)  et  cela  est  de  si  longue  duree  qu'un  homme  passera  par  une  centaine  de  morts,  devant  qu'il  semble  que  Dieu  le  vueille  alleger.  Tant  s'en  faut  donc  que  nous  soyons  delivrez  de  nos  afflictions  si  tost  que  nous  les  aurons  senties,  qu'il  faut  qu'elles  s'augmentent  de  plus  en  plus:  car  le  bon  plaisir  de  Dieu  est  tel  6