31:82  circumdant  te:  et  propter  hanc  in  excelsum  revertere.  9.  Iehova  iudicabit  populos:  iudica  me,  o  Iehova,  secundum  iustitiam  meam,  et  secundum  integritatem  super  me.  7.  (Surge  Domine.)  Hostium  suorum  indignationibus  iram  Dei  opponit,  atque  idem  nobis  in  simili  rerum  nostrarum  statu  agendum.  Nam  dum  ardeat  impii,  et  ad  nos  perdendos  furoris  sui  flammas  proiiciunt,  rogandus  est  Deus  ut  ipse  quoque  incalescat:  hoc  est,  re  ipsa  ostendat  non  minus  sibi  esse  zeli  et  potentiae  ad  nos  servandos.  Surgendi  verbum  metaphorice  sumitur  pro  Conscendere  tribunal,  vel  se  accingere  ad  resistendum:  quia  dormire  videtur  Deus  quamdiu  auxilium  suum  differt.  Ideo  rogat  etiam  paulo  post  David  ut  expergiscatur  :  quia  hoc  instar  oblivionis  erat,  miserum  et  oppressum  omni  ope  destituere.  In  fine  versus  ostendit,  se  nihil  petere  nisi  ex  Dei  praescripto.  Atque  haec  nobis  in  precibus  tenenda  est  regula,  ut  vota  nostra  formemus  ad  eius  voluntatem,  sicuti  etiam  Ioannes  admonet,  I.  Ioh.  5,  14.  Nec  sane  aliter  ex  fide  concipitur  oratio,  nisi  dum  in  primis  respicimus  quid  Deus  praecipiat,  ne  temere  vel  fortuito  prosiliant  animi  nostri  ad  appetendum  plus  quam  licet.  David  ergo  ut  rite  precetur,  in  verbum  Dei  et  promissionem  recumbit:  ac  si  diceret,  Domine  non  me  aliqua  ambitio,  vel  stultus  impetus,  vel  pravum  desiderium  impellit  ut  inconsiderate  petam  quidquid  carni  meae  arridet:  sed  mihi  praelucet  verbum  tuum,  cui  secure  innitor.  Nam  quum  Deus  ultro  ipsum  vocasset  ad  spem  regni,  eiusdem  partes  erant  servum,  quem  delegerat,  tueri  et  asserere.  Itaque  perinde  est  ac  si  dixisset:  Quum  ego  privata  sorte  contentus  essem,  tibi  placuit  me  regem  creare:  nunc  ergo  tuum  est  causam  hanc  suscipere  contra  Saulem  et  eius  asseclas,  qui  tuum  decretum  evertere  moliuntur,  dum  me  oppugnant.  Verbum  HTlJf  posset  etiam  transitive  accipi  pro  Erigere,  vel  stabilire  Davidi  ius  suum.  Summa  tamen  huc  redit,  quod  Dei  vocatione  fretus,  manum  sibi  ab  eo  porrigi  cupit.  Ideoque  fidelibus  cavendum  est,  ne  has  metas  excedant,  si  Dei  praesidium  sibi  adesse  cupiunt.  8.  (Et  congregatio  populorum.)  Quidam  locum  hunc  ad  populum  Israeliticum  restringunt,  ac  si  promitteret  David,  simulac  in  regni  solium  evectus  foret,  se  operam  daturum  ut  populus  antea  dissipatus,  iterum  coalesceret  in  purum  Dei  cultum.  Nam  sub  Saule*  vel  neglecta  fuerat  religio,  vel  tanta  scelerum  licentia  grassata  fuerat  ut  pauci  ad  Deum  respicerent.  Ergo  secundum  illos  interpretes  sensus  est:  Domine  ubi  regem  me  constituens,  totus  populus  ex  vaga  confusaque  alienatione  in  viam  redibit,  ut  agnoscant  omnes  te  in  medio  sui  praesidere,  teque  ut  regem  unicum  adorent.  Sed  hoc  6