26:82  pour  nous  bien  faire  seulement  un  iour,  mais  c'est  pour  continuer,  et  nous  donner  accez  de  recourir  a  luy  le  lendemain.  Que  quand  Dieu  nous  aura  fait  grace,  il  declare  alors  qu'il  veut  que  nous  continuons  a  marcher,  puis  qu'il  nous  a  monstre  le  chemin  pour  venir  a  luy,  qu'il  nous  a  ouvert  la  porte.  Ainsi  donc  que  nous  apprenions  de  reduire  en  memoire  tant  de  biens,  par  lesquels  Dieu  nous  a  monstre  son  amour,  pour  nous  fortifier:  afin  que  nous  puissions  prendre  courage,  quand  il  est  question  de  nous  certifier  d'une  vraye  foy,  qu'il  nous  exaucera.  Et  de  faict,  ceux  qui  ne  pensent  point  aux  graces  de  Dieu,  ils  sont  la  comme  estourdis.  Et  voila  qui  est  cause  que  nous  sommes  si  froids  a  prier,  et  que  nous  y  allons  si  laschement,  et  que  nous  ne  savons  si  nous  devons  rien  obtenir,  et  si  nos  oraisons  seront  frustratoires  et  inutiles.  Et  pourquoy?  Car  il  ne  nous  souvient  point  des  promesses  que  Dieu  nous  a  faites,  voire  et  des  arres,  par  maniere  de  dire,  qu'il  nous  a  donnees:  il  nous  a  asseurez  tant  et  plus  que  nous  ne  viendrons  point  a  luy  a  faute:  et  nous  ne  pensons  point  a  tout  cela.  Nostre  ingratitude  donc  nous  empesche  d'avoir  une  vraye  et  droite  confiance,  et  que  nous  ne  pouvons  pas  venir  a,  luy  seul  pour  dire,  Seigneur,  ie  ne  doute  point  que  tu  ne  me  sois  propice,  et  que  ie  ne  soye  tousiours  receu  devant  toy:  non  pas  que  i'en  soye  digne:  mais  qu'il  te  souvienne  des  biens,  que  i'ay  receus  de  ta  main.  Car  c'est  en  ceste  confiance  que  ie  vien  a  toy;  que  comme  tu  fes  monstre  benin  et  liberal  par  ci  devant,  que  tu  continueras  iusques  en  la  fin.  Voila  ce  que  nous  avons  a  retenir,  quand  Moyse  dit:  Seigneur,  tu  as  commence  de  monstrer  a  ton  serviteur  la  hautesse  de  ton  bras  fort.  Or  notamment  Moyse  parle  ici  de  la  hautesse  et  grandeur  de  Dieu,  et  de  la  vertu  de  sa  main.  Comme  s'il  disoit,  que  Dieu  luy  a  fait  sentir  une  vertu  extraordinaire,  et  que  ce  n'est  point  comme  chacun  sentira  quelque  grace,  par  laquelle  il  soit  conduit  a  prier  Dieu.  Car  Dieu  a  desploye  des  vertus  non  accoustumees,  que  ce  n'a  pas  este  une  chose  vulgaire  que  ce  qu'il  a  monstre  a  Moyse.  Voila  donc  pourquoy  il  demande  d'estre  introduit  en  la  terre.  Comme  s'il  disoit:  Mon  Dieu,  tu  cognois  que  tu  m'as  choisi,  non  point  comme  un  chacun  d'entre  nous,  mais  ie  suis  comme  un  vaisseau  eleu:  et  d'autant  que  tu  fes  servi  de  moy,  maintenant  qu'il  te  plaise  de  m'introduire  en  la  terre.  Et  en  cela  voyons-nous  que  Moyse  n'a  point  tant  souhaitte  ceci  a  cause  de  soy,  qu'au  regard  de  tout  le  peuple,  afin  que  tous  en  fussent  edifiez.  Car  c'estoit  une  chose  qui  pouvoit  troubler  les  infirmes,  de  voir  le  conducteur  du  peuple  mourir.  Voila  un  peuple  qui  n'est  que  trop  hardi,  voire  en  sa  temerite:  mais  cependant  s'il  faut  obeir  a  Dieu,  on  voit  la  laschete  qui  y  estoit:  et  quand  Moyse  trespasse,  c'estoit  6