23:82  Nahama.  23.  Et  dixit  Lemech  uxoribus  suis  Hada  et  Silla,  Audite  vocem  meam  uxores  Lemech,  auscultate  sermonem  meum:  Quoniam  virum  occidero  in  vulnere  meo,  et  adulescentem  in  livore  meo.  24.  Quia  septuplo  vindicabitur  Cain,  et  Lemech  septuagies  septies,  25.  Cognovit  autem  Adam  rursum  uxorem  suam:  quae  peperit  filium,  et  vocavit  nomen  eius  Seth:  Quia  posuit  mihi  inquit  Deus  semen  alterum  pro  Ebel:  quia  occidit  eum  Cain.  26.  Et  ipsi  Seth  etiam  natus  est  filius,  et  vocavit  nomen  eius  Enos:  tunc  coeptum  est  invocari  nomen  Domini.  1.  Et  Adam  cognovit  Heva  uxorem  suam.  Nunc  propagationem  generis  humani  describere  incipit  Moses;  qua  in  historia  notare  operae  pretium  est,  non  abolitam  fuisse  peccato  illam  Dei  benedictionem,  Crescite  et  multiplicamini:  neque  id  modo,  sed  confirmatum  divinitus  fuisse  Adae  pectus,  ut  a  sobole  generanda  non  abhorreret.  Sicut  autem  agnovit  Adam  in  ipso  generationis  principio  vere  paternam  irae  Dei  moderationem,  ita  coactus  est  iterum  postea  gustare  amaros  peccati  sui  fructus,  dum  Cain  Abelem  occidit.  Verum  sequamur  Mosis  contextum.  Cognoscendi  verbo  congressum  viri  cum  uxore,  rem  per  se  pudendam,  verecunde  insinuat,  quanquam  coitus  foeditas  inter  peccati  fructus  numeranda  est:  quia  nascitur  ex  libidinis  intemperie.  Porro  licet  non  exprimat  Moses  gemellos  fuisse  Cain  et  Abel,  mihi  tamen  probabile  videtur.  Postquam  enim  dixit  ex  primo  conceptu  Hevam  genuisse  primogenitum:  paulo  post  subiicit,  alterum  quoque  peperisse,  ita  duplicem  partum  commemorans,  nonnisi  de  uno  concubitu  loquitur.  Qui  aliter  sentiunt,  fruantur  illi  suo  iudicio:  mihi  tamen  videtur  rationi  consentaneum,  quum  replendus  esset  mundus  incolis,  non  modo  Cain  et  Abel  uno  conceptu  fuisse  genitos,  sed  plurimos  etiam  postea,  tam  masculos  quam  feminas.  Acquisivi  virum.  Verbum  quo  utitur  Moses  tam  acquirere  quam  possidere  significat:  et  parum  refert  ad  praesentem  contextum  utrovis  modo  accipias.  Magis  in  eo  insistere  convenit,  cur  dicat  se  acquisivisse  nisi''  HK-  Quidam  exponunt  Cum  Domino,  hoc  est  Dei  beneficio,  vel  per  Dei  gratiam:  ac  si  Heva  Domino  acceptam  sobolis  benedictionem  referret:  ut  Psal.  127,  3  habetur  Domini  munus  fructus  ventris.  Eodem  recidit  altera  interpretatio.  Possedi  a  Domino.  Perinde  valet  quod  vertit  Hieronymus,  per  Dominum.  Tres  inquam  istae  lectiones  huc  tendunt  in  summa,  Hevam  agere  Domino  gratias  quod  ex  ea  suscitare  coepisset  posteros,  quum  aeterna  sterilitate  non  minus  quam  interitu  digna  esset.  Alii  subtilius,  Possedi  virum  Dei:  quasi  intelligeret  Heva,  iam  se  habere  illum  sibi  divinitus  promissum  serpentis  victorem.  Ita  fidem  Hevae  laudant,  quod  promissionem  fide  amplexa  sit,  de��  6