21:82  diques  de  Geneve:  en  laquelle  il  detractoit  de  la  doctrine  de  Calvin,  aussi  de  l'Eglise  et  escole  de  Lausanne.  Mais  Dieu  merci  il  ne  s'en  alla  pas  sans  response,  laquelle  l'a  tellement  contente,  ou  plustost  mal  contente,  qu'il  s'est  teu  depuis.  Car  aussi  il  n'eust  rien  sceu  dire  qui  vaille.  Davantage,  en  la  mesme  annee  Calvin  revit  ses  Commentaires  sur  toutes  les  Epistres  de  sainct  Paul,  et  celle  des  Hebrieux,  et  les  Canoniques.*)  Et  en  ce  faisant,  il  dedia  le  Commentaire  sur  la  premiere  aux  Corinthiens  au  seigneur  Galeace  Caracciole,  Marquis  de  Vic:  ostant  le  nom  de  Monsieur  de  Falaix,  pource  qu'il  s'estoit  revolte,  ayant  suivi  l'heresie  de  Ierosme  Bolsec,  comme  il  a  este  dit.  L'an  1557,  il  mit  en  lumiere  son  Commentaire  sur  les  Pseaumes:  aussi  furent  imprimees  ses  lecons  sur  Osee.  La  mesme  annee,  il  composa  en  Latin  trois  responses  ou  advertissemens  a  un  certain  Ioachim  Westphale,2)  qui  taschoit  de  renverser  la  saine  doctrine  touchant  la  matiere  [e  6]  de  la  Cene  :  et  luy  denonca  en  la  troisiesme,  que  s'il  n'acquiescoit  a  la  verite,  il  le  laisseroit  puis  apres  comme  un  homme  obstine.  Toutesfois  ledit  Westphale  se  estant  puis  apres  encore  plus  fort  opiniastre,  l'an  1558  ie  luy  respondi  derechef  et  refutay  tous  ses  argumens.  Pour  ses  sermons  du  Dimanche,  il  commenca  le  dernier  iour  de  Fevrier,  la  2.  aux  Corinthiens:  et  apres  icelle  print  l'Epistre  aux  Galates,  le  14.  iour  de  Novembre.  L'an  1558,  le  15.  iour  de  May,  il  commenca  a��  exposer  en  sermon  l'Epistre  aux  Ephesiens,  les  iours  de  Dimanche.  Quant  a  ses  escrits,  outre  ce  qu'il  fit  en  sa  fievre  quarte  (comme  il  sera  dit  ci  apres),  il  composa  au  commencement  de  l'annee  une  response  aux  calomnies  d'un  certain  brouillon,3)  qui  sans  se  nommer  (cependant  c'estoit  Sebastien  Chastillon)  taschoit  de  rendre  odieuse  la  doctrine  saincte  de  la  Providence  secrete  de  Dieu:  ausquelles  calomnies  aussi  i'ay  respondu  encore  plus  au  long.  Or  d'autant  que  ledit  Chastillon  s'est  couvert  de  quelque  apparence  de  douceur,  et  a  voulu  diffamer  Calvin  comme  homme  plein  d'aigreur  et  amertume,  il  sera  bon  d'en  toucher  plus  amplement,  afin  qu'un  chacun  entende  quel  homme  ou  plustost  monstre  estoit  M.  Sebastien  Chastillon:  et  que  neantmoins  Calvin  a  bien  monstre  qu'il  eust  este  content  de  le  laisser  sans  parler  de  luy,  sinon  qu'il  l'eust  contreint  en  mesdisant  de  la  saine  doctrine.  Ainsi  donc  ledit  Chastillon,  d'autant  qu'il  avoit  cognoissance  des  langues,  et  mesmes  avoit  quelque  dexterite  en  la  langue  Latine,  fut  ici  receu  pour  conduire  l'escole.  Mais  cest  esprit  estant  naturellement  enclin  1)  catholiques  F.  2)  Premiere  redaction  p  .  9.  3)  Comp.  la  premiere  redaction  p  10  suiv.