9:819  819  PRAEFATIONES.  820  est  donc,  que  Dieu  vous  a  donne  le  glaive  a  la  main,  pour  gouverner  voz  subiecta  en  son  Nom,  et  en  son  authorite:  puis  qu9il  vous  fait  cest  honneur  de  vous  attribuer  son  Nom  et  son  tiltre:  puis  gu*il  a  sanctifie  vostre  estat  par  dessus  les  aultres,  afin  d'y  faire  reluire  en  partie  sa  gloire  et  maieste:  qu'un  chascun  de  vous  s'employe  a  son  endroict,  a  magnifier  et  exalter  celuy  qui  est  sa  vraye  Image  glorieuse,  en  laquelle  il  se  represente  pleinement  a  nous.  Or  pour  ce  faire  il  ne  suffit  pas  de  confesser  Iesus  Christ  seulement,  et  faire  profession  d'estre  siens,  pour  en  avoir  le  tiltre  sans  la  verite  et  la  chose,  mais  fault  donner  lieu  a  son  sainct  Evangile  et  le  recevoir  en  parfaicte  obeissance  et  humilite.  Ce  qui  est  bien  l'office  d'un  chascun.  Mais  il  appartient  specialement  a  vous  de  faire  qu'il  ait  audience,  et  qu'il  soit  publie  par  voz  pais,  pour  estre  entendu  de  tous  ceulx  qui  vous  sont  commis  en  charge:  afin  qu'ils  vous  recongnoissent  serviteurs  et  ministres  de  ce  grand  Uoy,  pour  le  servir  et  honnorer,  en  vous  obeissant  soubz  sa  main  et  conduicte.  Oest  ce  que  le  Seigneur  requiert  de  vous  quand,  par  son  Prophete,  il  vous  appelle  tuteurs  de  son  Eglise.  Car  ceste  tutele  ou  protection  ne  gist  pas  a  eslargir  richesses,  privileges  et  honneurs  au  Clerge:  dont  il  s'enorgueillisse  puis  apres  et  esleve,  vive  pompeusement  et  en  toute  dissolution,  contre  l'ordre  de  son  estat:  tant  moins  encore  gist  elle  a  le  maintenir  en  son  orgueil  et  en  ses  pompes  desordonnees.  Hais  c'est  de  procurer  que  la  doctrine  de  verite  et  la  purete  de  V  Evangile  demeure  en  son  entier:  que  la  saincte  Escriture  soit  fidelement  prechee  et  leue:  que  Dieu  soit  honnore  selon  la  reigle  d'icelle,  et  l'Eglise  bien  policee:  que  tout  ce  qui  contrevient,  ou  a  l'honneur  de  Dieu,  ou  a  la  bonne  police  de  l'Eglise,  soit  corrige  et  abatu:  tellement  que  le  regne  de  Iesus  Christ  florisse  en  la  vertu  de  sa  Parolle.  O  vous  tous  qui  vous  nommez  evesques  et  pasteurs  du  paovre  peuple,  voyez  que  les  brebis  de  Iesus  Christ  ne  soyent  privees  de  leur  propre  pasture.  Et  qu'il  ne  soit  prohibe  ne  deffendu,  qu'un  chascun  chrestien  ne  puisse  librement  en  son  propre  langaige  lire,  traicter,  et  entendre  ce  sainct  Evangile,  veu  que  Dieu  le  veult,  Iesus  Christ  le  commande  Et  pour  ce  faire  a  envoye  ses  apostres  et  serviteurs  par  l'universel  monde,  leur  donnant  grace  de  parler  toutes  langues:  affin  que  en  tous  langaiges  ilz  prechassent  a  toute  creature.  Et  les  a  faictz  debteurs  aux  Grecz  et  barbares,  aux  saiges  et  simples,  affin  que  nulz  ne  fussent  excluz  de  leur  doctrine.  Certes  si  vous  estes  vrayement  vicaires,  successeurs  et  imitateurs  d'iceulx,  vostre  office  est  de  faire  comme  eulx,  veillans  sus  le  troppeau,  cerchans  tous  moyens  qu'il  est  possible,  qu'un  chascun  soit  instruict  en  la  foy  de  Iesus  Christ,  par  la  pure  parolle  de  Dieu.  Ou  autrement  la  sentence