8:819  SIUT  PROCES  820  nebulis  obscuret.  Quod  ad  praesentem  Serveti  causam  attinet,  inspeximus  illius  dogmata  quoad  eius  fieri  potuit,  eo  temporis  spatio  quo  tabellarius  vester  hic  apud  nos  substitit.  Et  quoniam  sententiam  nostram  exposcitis,  ad  ea  quae  in  scriptis  Serveti  deprehendimus,  paucis  visum  est  ad  petitionem  vestram  respondere.  Ut  coram  Domino  loquamur,  non  possumus  per  conscientias  nostras  probare,  quae  homo  iste  de  substantia  et  forma  Deitatis,  de  sanctae  Trinitatis  mysterio,  de  verbo  Dei  et  illius  incarnatione,  de  anima  et  carne  Christi,  de  Spiritu  sancto,  de  Angelis,  de  animabus  et  spiritibus  nostris,  de  peccato  mortali,  ac  paedobaptismate  non  solum  in  corde  suo  sentire,  sed  editis  scriptis  non  iam  primum,  sed  olim  dogmatizare  coepit.  Videmus  hominem  sibi  ipsi  tribuere  plurimum  et  parum  spirare  modestiae.  Permittit  enim  sibi  liberum,  quaevis  religionis  nostrae  capita  vocare  in  quaestionem  et  omnia  vel  novis  expositionibus  invertere,  vel  renovata  veterum  haereticorum  labe  prorsus  corrumpere.  Sic  resuscitat  nobis  Sabellianos,  Noetianos,  Priscillianistas,  .Anthropomorphitas,  Apollinaristas,  Valentinianos,  et  ne  a  fanaticis  nostrorum  temporum  sectis  abhorrere  videatur,  baptismum  infantium  horrendis  modis  flagellat  et  abominabilem  reddere  conatur,  ut  reliqua  taceamus,  quae  de  suo  in  medium  afferre  non  dubitat.  Arbitramur  autem  pro  vigilantia  ministrorum  vestrorum  omnia  haec  satis  esse  in  lucem  producta  et  reprehensa,  nec  id  a  vobis  agi  ut  examinationem  huius  causae  exactiorem  ab  aliis  divini  verbi  ministris  quam  a  vestris  recipiatis.  Quare  absque  ullo  tractatu  sententiam  nostram  paucis  assignare  visum  est,  ne  de  fratrum  nostrorum  studio  et  vigilantia  quicquam  addubitare  videamur.  Oramus  Dominum  ut  det  vobis  spiritum  prudentiae,  consilii  et  fortitudinis,  ut  et  pestem  hanc  ab  ecclesiis  cum  vestra,  tum  aliis  avertatis,  et  simul  nihil  admittatis  l)  quod  magistratui  christiano  inconveniens  censeri  possit.  Dominus  ecclesiam  et  rempublicam  vestram  in  vera  pietate  et  pace  iugiter  servet  immotam.  Bernae  1553.  Vestri  in  domino  Ministri  ecclesiae  Bernensis.  1)  Les  ed.  imprimees  ont:  remittatis.