9:818  dititiam  doctrinam  admittat.  Quod  si  quis  doctrinae  huic  vel  minimum  apicem  superaddiderit,  is  sese  anathemati  coram  Deo  et  ecclesia  ipsius  obnoxium  iam  iam  agnoscat.  Ad  vos  autem,  reges,  principes  viri  et  christiani  magistratus  ad  hoc  a  Deo  instituti  ut  delinquentes  coerceatis,  probos  autem  tueamini,  et  a  noxa  immunes  conservetis,  prout  iubet  Dei  verbum:  ad  vos,  inquam,  spectat  officiique  vestri  ratio  exigit  ut  hanc  sanctam  doctrinam,  utilissimam  procul  dubio  et  in  primis  necessariam,  praedicari  doceri  explicarique  iubeatis  in  omni  ditione  vestra,  ut  quam  longe  lateque  vestrum  singulis  patet  imperium,  regnum,  principatus  et  dominatus,  ubique  illustretur  et  amplificetur  Dei  nomen,  suusque  evangelio  constet  honos,  quippe  quum  aequissimum  sit,  reges  omnes  regnaque  item  omnia  summa  cum  sui  demissione  ei  parere  et  obedire  eiusque  gloriae  inservire.