46:817  817  SERMON  LXV.  818  tenir  des  assaux  si  rudes,  ains  qu'ils  peussent  tousiours  passer  outre.  Comme  aussi  nous  voyons  que  sainct  Pierre  fait  le  semblable  quant  a  la  doctrine.  Car  nous  sommes  exhortez  par  luy  a  persister,  mesme  s'il  y  vient  diversitez  d'opinions,  et  des  disputes  faites  a  la  traverse,  que  les  heretiques  nous  desbauehent,  qu'ils  taschent  a  renverser  tout,  et  embrouiller:  et  bien,  il  y  alors  beaucoup  d'infirmes  qui  sont  comme  esperdus.  Mais  quoy?  dit  sainct  Pierre,  N'avez-vous  point  ouy  parler  de  l'estat  ancien  de  l'Eglise,  qu'il  y  a  eu  tousiours  des  fauxprophetes,  qui  neantmoins  ont  pretendu  le  nom  de  Dieu,  et  ce  titre  tant  sacre  et  honorable?  et  cependant  les  fideles  ontils  pour  cela  quitte  la  vraye  religion?  Nenni.  Car  ils  scavoyent  qu'il  faloit  bien  que  la  verite  fust  victorieuse  :  et  qu'encores  qu'elle  fust  assaillie  de  toutes  parts,  il  faloit  neantmoins  qu'ils  la  suyvissent  sans  en  decliner  en  quelque  facon  que  se  fust.  Ainsi  donc,  comme  nous  voyons  que  les  disciples  de  Dieu  ont  persiste,  combien  que  l'Eglise  fust  subiete  a  ces  troubles,  scachons  aussi  que  quand  il  y  aura  encores  auiourd'huy  des  faux-docteurs,  c'est  alors  qu'il  nous  faut  tenir  bon  :  et  ne  faut  pas  dire  comme  ces  gens  volages:  Et  a  qui  croironsnous?  ains  regardons  a  Dieu,  rememorons  les  faits  anciens,  et  considerons  comme  il  a  de  tout  temps  conduit  son  Eglise:  et  puis  de  nostre  coste  marchons  en  droiture  et  en  humilite:  et  il  est  certain  qu'en  ce  faisant  Dieu  ne  permettra  point  que  nous  soyons  seduits.  Ainsi  nous  en  faut-il  faire:  et  quand  nous  verrons  que  le  monde  sera  envenime  contre  l'Evangile,  que  nous  tenions  bon  neantmoins,  et  que  nous  scachions  que  c'est  de  suyvre  les  Prophetes,  et  puis  de  suyvre  les  Apostres  et  disciples  de  nostre  Seigneur  Iesus  Christ.  Nous  avons  donc  auiourd'huy  plus  de  confirmation  que  n'ont  pas  eu  les  disciples:  car  il  faloit  qu'ils  regardassent  seulement  les  Prophetes.  Or  nous  avons  les  Apostres,  et  les  disciples,  et  tout  l'ordre  qui  a  continue.  Nous  avons  donc  auiourd'huy  une  aide  beaucoup  plus  grande  pour  nous  fortifier,  et  pour  n'estre  point  esperdus  quand  nous  serons  iniustement  affligez,  voire  par  ceux  qui  pretendent  a  fausses  enseignes  le  nom  de  Dieu,  et  qui  veulent  estre  reputez  comme  supposts  de  l'Eglise.  Or  en  ceste  doctrine  il  y  avoit  encores  quelque  regret,  si  Iesus  Christ  n'eust  adiouste  ce  que  nous  lisons  en  sainct  Luc.  Car  encores  que  les  fideles  soyent  enseignez  qu'ils  doyvent  estre  apprestez  a  souffrir  persecution,  a  estre  reiettez  du  monde,  et  mesme  vituperez,  et  mis  en  opprobre  et  infamie,  comme  mal  faitteurs,  si  ne  sont-ils  pas  insensibles  toutesfois  quand  ils  vienent  puis  apres  a  faire  comparaison:  Voire,  mais  voyci  les  contempteurs  de  Dieu  qui  sont  tenus  pour  gens  de  bien,  chacun  leur  applaudira,  chacun  les  favorise.  Calvini  opera.  Vol  XLVI.